पालघर जिल्हय़ातील मुंबई-अहमदाबाद राष्ट्रीय महामार्गावरील मनोरजवळ लक्झरी बस दरीत कोसळल्याची घटना गुरुवारी रात्री घडली. या अपघातात सुदाम गुप्ता (६२), अशरफअली नागोरी (३०) या दोघांचा जागीच मृत्यू झाला तर १८ जण जखमी झाले. जखमींवर मनोर येथील प्राथमिक आरोग्य केंद्रात उपचार सुरू आहेत. लक्ष्मी ट्रॅव्हल्सची बस पुण्याहून अहमदाबादकडे जात होती. मनोरजवळ विरुद्ध दिशेने येणाऱ्या टेम्पोला धडक देऊन बस दरीत कोसळली. बस जवळपास ४० फूट खाली गेली. पोलिसांनी स्थानिकांच्या मदतीने बचावकार्य करून जखमींना रुग्णालयात नेले. मनोर पोलीस ठाण्यात नोंद करण्यात आली आहे.
