25 September 2020

News Flash

रिलायन्ससाठी घाई आणि दूरदर्शनबाबत दिरंगाई का? -भातखळकर

सह्य़ाद्री वाहिनीला अद्याप साधा प्रस्तावही पाठवलेला नाही.

संग्रहित छायाचित्र

राज्याच्या शिक्षण विभागाने अद्याप सह्य़ाद्री वाहिनीला ऑनलाइन शिक्षणाचा प्रस्तावच पाठवला नसल्याचे उघड झाले असून, रिलायन्स जिओसाठी केलेली घाई आणि दूरदर्शनबाबत होणारी दिरंगाई या मागील गोम काय, असा सवाल भाजप आमदार अतुल भातखळकर यांनी केला आहे.

दीड महिन्यापूर्वी महाविकास आघाडी सरकारने ऑनलाइन शिक्षणाकरिता रिलायन्सच्या जिओ कंपनीशी करार केला, पण ही तत्परता या सरकारला सह्य़ाद्री वाहिनीबाबत का दाखवता आली नाही? यात निश्चितपणे काळबेरे आहे. सह्य़ाद्री वाहिनीला अद्याप साधा प्रस्तावही पाठवलेला नाही. यावरून राज्य सरकारला विद्यार्थ्यांच्या शिक्षणाविषयी किती अनास्था आहे, हे उघड होत असून या संपूर्ण प्रकरणाची चौकशी करण्याची आवश्यकता आहे, असे भातखळकर यांनी सांगितले.

राज्यामधील विद्यार्थ्यांना शुल्क वाढीमुळे शाळेमध्ये प्रवेश दिला जात नाही. ऑनलाईन शिक्षणाच्या नावाखाली त्यांची लूट चालू आहे आणि अशावेळेला महाविकास आघाडीचे सरकार आणि शिक्षण मंत्री मात्र स्वत:करिता गाडय़ा घेणे आणि खाजगी कंपन्यांना मदत करण्यात मग्न आहेत असा टोलाही त्यांनी लगावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2020 12:02 am

Web Title: what is the reason for the hurry and delay of doordarshan for reliance abn 97
Next Stories
1 गर्भवती महिला, व्याधिग्रस्त कर्मचाऱ्यांना उपस्थितीतून सूट
2 राज्यातील ३५ साखर कारखान्यांकडून १२०० कोटींच्या कर्जहमीची मागणी
3 मेट्रो-३ च्या कारशेडचे काम अद्याप रखडलेलेच!
Just Now!
X