बदलापूर येथील बेलवली भागात एका महिलेने आपल्या चार वर्षांच्या मुलासह इमारतीवरून उडी घेऊन आत्महत्या केली. ‘ग्रीन लॉन्स’ या कॉम्प्लेक्समध्ये सोमवारी सकाळी दहाच्या सुमारास ही घटना घडली. उषाबेन जाडेजा (वय ३०) आणि अजय (वय ४) अशी मृतांची नावे आहेत. अजय याला शिकवणीसाठी घेऊन जाते असे सांगून घरातून उषाबेन बाहेर पडल्या; मात्र त्यानंतर त्यांनी इमारतीवरून उडी घेतल्याची बातमी कुटुंबियांना कळाली. उषाबेन यांचे पती विजय याचे भांडूप येथे किराणा मालाचे दुकान आहे. आकडीचा आजार होता, असे सासरच्या लोकांनी सांगितले. एक महिन्यापूर्वीच जाडेजा कुटुंबीय बदलापुरात राहायला आल्याची माहिती वरिष्ठ पोलीस निरीक्षक अशोक वांढेकर यांनी दिली.
