रेल्वेच्या कामांसाठी नवीन क्रेन बसवताना झालेल्या अपघातात लोअर परळ कारशेडमध्ये शकील अहमद या कामगाराचा बुधवारी दुपारी मृत्यू ओढवला. त्याला तातडीने नायर रुग्णालयात दाखल करण्यात आले. मात्र त्याआधीच त्याचा मृत्यू झाला होता. हा कामगार खासगी कंत्राटदाराचा असल्याने रेल्वे सुरक्षा दलाकडे याबाबत तक्रार नोंदवली गेली नाही. लोअर परळ कारशेडमध्येक्रेन बसवण्याचे काम ‘आयबी-डास्ट’ या कंपनीला देण्यात आले होते. दुपारी १.५०च्या सुमारास ही क्रेन बसवताना क्रेनचा काही भाग शकील अहमदच्या मानेवर कोसळला. त्याला तातडीने नायर रुग्णालयात नेण्यात आले. मात्र तो मरण पावला.
