कर्मचारी भविष्य निर्वाह निधी संघटनेच्या प्रादेशिक कार्यालयाकडून २८ ऑक्टोबर ते २ नोव्हेंबर या काळात दक्षता सप्ताहाचे आयोजन करण्यात आले आहे. या काळात भविष्य निर्वाह निधीचा कोणताही सदस्य तसेच कर्मचारी यांना त्यांच्या तक्रारी व सूचना मांडता येतील. या सूचना घेण्यासाठी संघटनेच्या वांद्रे पूर्व येथील भविष्य निधी भवनातील तळमजल्यावर यासाठी विशेष सोय केली जाईल. दक्षता सप्ताहात कार्यालयीन वेळेत २६४७६१२९, २६४७०००७ किंवा २६४७५९१० या क्रमांकावर संपर्क साधता येईल. या काळात सूचना, तक्रारी मांडण्याचे आवाहन आयुक्त के. एल. गोयल यांनी केले आहे.
