मुंबईत बॉम्बस्फोट घडवून आणण्याची धमकी देणाऱ्या तरुणास दहशतवाद विरोधी पथकाच्या विक्रोळी विभागाने अटक केली आहे. नसीम शेख (२१) असे या तरुणाचे नाव असून तो गोवंडी येथे राहणारा आहे. मुंबई पोलिसांच्या नियंत्रण कक्षाला शनिवारी नसीमने दूरध्वनी करून धमकी दिली होती. मी बिहार येथून बोलत अयूप निवडणूक काळात मुंबईत बॉम्बस्फोट घडवणार असल्याचे सांगितले निवडणुकीचे वातावरण लक्षात घेता पोलिसांनी या प्रकरणाचा तपास सुरू केला. दहशतवादविरोधी पथकाने गोंवडी येथून नसीमला अटक केली. तो एका कंपनीत काम करतो. त्याची अधिक चौकशी सुरू आहे
