News Flash

‘पबजी’नं घेतला तरूणाचा जीव; कर्जत तालुक्यात तिसरा बळी

वर्षाभरापासून गेमच्या आहारी

पबजी गेम खेळण्याच्या व्यसनानं कर्जत तालुक्यातील मिरजगाव येथील तरुण सुयोग अरुण क्षीरसागर (वय २३) या तरुणाने जीव गमावला आहे. या गेममुळे तालुक्यात जीव गमवावा लागलेला सुयोग हा तिसरा तरुण आहे. या गेमचे व्यसन जडलेले शेकडो तरुण आजही तालुक्यात असून, पालक हतबल झाले आहेत.

कर्जत तालुक्यातील मिरजगाव येथील व्यावसायिक अरुण क्षीरसागर यांचा मुलगा सुयोग हा गेल्या वर्षांपासून पबजी गेमच्या आहारी गेला होता. सुयोग हा सुशिक्षित तरुण होता. बारावीच्या शिक्षणानंतर वडिलांना व्यवसायात तो मदत करू लागला होता. गेल्या दोन वर्षांंमध्ये अँड्रॉईड मोबाईल खरेदी करून इतर मित्रांचे पाहून तोही पबजी गेम खेळण्यास शिकला. त्यालाही हळूहळू पबजी खेळण्याचे व्यसन जडलं. दुकानामधून मोकळा वेळ मिळाल्यानंतर तो पबजी गेममध्ये व्यग्र असायचा. गेल्या पंधरा दिवसांपासून तो मनोरुग्ण अवस्थेत गेला आणि काहीही न बोलता गावामध्ये रात्रंदिवस फिरत असे. आठ दिवसांपूर्वी त्याचे पालक अरुण क्षीरसागर यांनी त्याला नगर येथील खासगी रुग्णालयात दाखल केले होते, परंतु त्याचा काहीही उपयोग झाला नाही, अखेर त्याची प्राणजोत मालवली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 25, 2019 4:12 pm

Web Title: youth died after addiction of pubg in karjat game bmh 90
Next Stories
1 चार तासांच्या चर्चेनंतरही अजित पवारांचे मन वळवण्यात राष्ट्रवादीच्या नेत्यांना अपयश
2 नव्या कार्यकाळातील पहिल्या आदेशावर केली मुख्यमंत्री देवेंद्र फडणवीस यांनी सही
3 कल्याण-विठ्ठलवाडीदरम्यान रेल्वे रूळाला तडा
Just Now!
X