Mumbai Local Update : २८ ऑक्टोबरपासून लोकल सेवा पूर्ण क्षमतेने असणार

महामारीच्या पार्श्वभूमीवर सुरू झालेल्या लॉकडाउनमध्ये लोकल सेवा पूर्णपणे खंडीत करण्यात आली होती

(प्रातिनिधिक छायाचित्र)

राज्यातील करोना संसर्गाची दुसरी लाट आता ओसरल्यात जमा आहे. परिणामी निर्बंध शिथिल करण्यात आले असून, विविध सेवा सुरू करण्यासही परवानगी देण्यात आलेली आहे. अत्यावश्यक सेवेबरोबर आता दोन लसीचे डोस घेतलेल्या लोकांनाही लोकलने प्रवास करण्याची परवानगी देण्यात आलेली आहे. यामुळे गेल्या काही दिवसांत मुंबई आणि परिसरातून लोकलने प्रवास करणाऱ्या प्रवाशांची संख्या वाढण्यास सुरुवात झाली आहे. गेल्या आठवड्यात तर एकूण लोकल प्रवासी संख्येपेक्षा 80 टक्के प्रवासी पुन्हा लोकलने प्रवास करत असल्याचं रेल्वेने नोंदवलं आहे. याच पार्श्वभूमीवर आता मुंबईची लाईफलाईन म्हणून ओळखल्या जाणाऱ्या लोकल ट्रेन्स बाबत आज मोठा निर्णय घेण्यात आलेला आहे. पश्चिम रेल्वकडून परिपत्रक काढून याबाबत माहिती देण्यात आलेली आहे.

लोकल ट्रेन्समधील प्रवाशांचा वाढता ओघ लक्षात घेता, आता २८ ऑक्टोबरपासून मध्य आणि पश्चिम रेल्वेकडून मुंबई विभागात उपनगरीय रेल्वे सेवा पूर्वीप्रमाणेच म्हणजेच १०० टक्के क्षमतेने सुरू केली जाणार आहे.

मागील वर्षी करोना महामारीच्या पार्श्वभूमीवर मार्चमध्ये सुरू झालेल्या लॉकडाउनमध्ये लोकल सेवा पूर्णपणे खंडीत करण्यात आली होती. त्यानंतर करोना संसर्गाचे प्रमाण कमी कमी होऊ लागल्यावर अनलॉक प्रक्रीयेदरम्यान लोकल सेवा टप्प्याटप्प्याने पुन्हा सुरु करण्यात आली. आता ही लोकल सेवा पूर्ण क्षमतेने सुरु होत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 100 percent mumbai suburban services from 28 october msr

Next Story
न्यायालयाचा ‘अंतिम’ आदेश नसल्याने शालेय बसवर अद्याप कारवाईचा बडगा नाही
ताज्या बातम्या