इमारतीवरून पडून ११ वर्षांच्या मुलीचा मृत्यू

हा प्रकार इमारतीच्या एका रहिवाशाच्या लक्षात येताच त्याने बोरिवली पोलिसांना ही माहिती दिली

प्रतिनिधिक छायाचित्र

मुंबई : बोरिवली येथे इमारतीच्या १० मजल्यावरून पडून ११ वर्षांच्या मुलीचा मृत्यू झाल्याची दुर्दैवी घटना शनिवारी घडली. हेतवी मेहता असे या मुलीचे नाव असून याप्रकरणी बोरिवली पोलिसांनी अपमृत्यूची नोंद केली आहे. या घटनेमागे घातपात नसून अपघात असल्याचे पोलिसांनी स्पष्ट केले. ही घटना शनिवारी दुपारी साडेतीन वाजता बोरिवलीतील शिंपोली रोडच्या एका निवासी इमारतीमध्ये घडली. याच इमारतीच्या १०व्या मजल्यावर हेतवी ही तिच्या आई, वयोवृद्ध आजी-आजोबांसोबत राहत होती. शनिवारी तिची आजी घरात झोपली होती तर तिची आई आणि आजोबा काही कामानिमित्त बाहेर गेले होते. घरातच हेतवी ही ग्रिलवर बसून अभ्यास करीत होती. दुपारी साडेतीन वाजता ती अचानक दहाव्या मजल्यावरून खाली पडली. हा प्रकार इमारतीच्या एका रहिवाशाच्या लक्षात येताच त्याने बोरिवली पोलिसांना ही माहिती दिली. या माहितीनंतर पोलिसांनी घटनास्थळी धाव घेऊन जखमी हेतवीला तातडीने जवळच्या रुग्णालयात नेले. तेथे तिला मृत घोषित करण्यात आले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 11 year old girl dies after falling from building zws