मुंबई : विधान परिषदेच्या ११ जागांसाठी शुक्रवारी होणाऱ्या निवडणुकीकरिता सर्वच राजकीय पक्षांनी मतांचे गणित जुळवण्यावर भर दिला होता. सर्वच राजकीय पक्षांनी ताकद पणाला लावल्याने १२ पैकी कोण पराभूत होणार याची राजकीय वर्तुळात अधिक उत्सुकता आहे.

भाजपकडे अपक्षांसह ११२ मते आहेत. पाच उमेदवार निवडून आणण्याकरिता ११५ मतांची आवश्यकता असून, भाजपने पुरेसे संख्याबळ जमविल्याचे सांगण्यात येते. शिवसेना शिंदे गटाकडे दोन उमेदवार निवडून आणण्याऐवढी पुरेशी मते आहेत. राष्ट्रवादीच्या अजित पवार गटानेही दोन्ही उमेदवार निवडून आणण्यासाठी मतांचे गणित जुळविले आहे. काँग्रेसकडे अतिरिक्त मते असल्याने पक्षाला तेवढी भीती नाही. शिवसेना ठाकरे गटाचे मिलिंद नार्वेकर आणि शेकापचे जयंत पाटील यांच्याकडे पुरेशी मते नाहीत. या दोघांपैकी अधिक कोण जोर लावतो यावर सारी गणिते अवलंबून आहेत. एकूण रागरंग बघता शेकापचे जयंत पाटील यांच्यासमोर विजयाचे मोठे आव्हान असेल.

maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
legislative council elections in maharashtra
आमदारांच्या सरबराईवर लाखोंचा खर्च
bjp likely to contest 160 to 170 seats in maharashtra assembly election
विधानसभेसाठी भाजप १६०-१७० जागा लढवणार? शिंदे गटाच्या मागणीला अंकुश लावण्याची स्थानिक नेतृत्वाची मागणी
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
South African fans object to Surya's catch
सूर्यकुमार यादवच्या ‘कॅच’वरुन पेटला नवा वाद, दक्षिण आफ्रिकन चाहत्याने VIDEO शेअर करत केला फसवणूक झाल्याचा दावा
IAS Puja Khedkar
IAS Pooja Khedkar : पूजा खेडकरचा आणखी एक प्रताप समोर; दिव्यांग असल्याचे सांगून UPSC परीक्षेत मिळवली सूट
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
ashok chavan keep bjp away from program on birth anniversary of shankarao chavan
शंकरराव चव्हाण यांच्या जयंतीनिमित्त कार्यक्रम; भाजपला दूर ठेवण्याची दक्षता!

हेही वाचा >>> आमदारांच्या सरबराईवर लाखोंचा खर्च

विजयासाठी पहिल्या पसंतीच्या २३ मतांची आवश्यकता आहे. महायुतीने आपले नऊही उमेदवार निवडून आणण्याकरिता परस्परांमध्ये मतांची योग्य अशी वाटणी केली आहे. दुसऱ्या व तिसऱ्या पसंतीच्या मतांचे नियोजन करण्यात आले आहे. काँग्रेसचे ३७ आमदार असले तरी पाच ते सहा आमदारांच्या मतांबाबत पक्षाचे नेते साशंक आहेत. यामुळेच पक्षाच्या उमेदवार डॉ. प्रज्ञा सातव यांना २८ ते ३० मते दिली जाणार आहेत. पक्षाची अन्य मते ही शिवसेनेचे नार्वेकर यांना दिली जाणार आहेत. काँग्रेसची अतिरिक्त मते व काँग्रेसच्या दुसऱ्या पसंतीच्या मतांच्या आधारे मिलिंद नार्वेकर यांना २३ मतांचा पल्ला गाठणे शक्य होईल, अशी चिन्हे आहेत. सर्व पक्षांच्या बैठकांचे सत्र दिवसभर सुरू होते. उद्या सर्व पक्षांनी आपापल्या आमदारांसाठी स्नेहभोजन ठेवले आहे. त्यात मतदान कसे करायचे याचे मार्गदर्शन केले जाईल. प्रत्यक्ष मतदान कोणाला करायचे याची चिठ्ठी शुक्रवारी सकाळीच दिली जाईल. मिलिंद नार्वेकर व शेकापचे जयंत पाटील हे दोघेही ताकदवान उमेदवार रिंगणात असल्याने घोडेबाजार होण्याची शक्यता वर्तविली जाते. अजित पवार गटातील आमदारांची मते मोठ्या प्रमाणावर फुटल्यास राष्ट्रवादीचा उमदेवार अडचणीत येऊ शकतो.