डोंगरी दुर्घटना: इमारत कोसळून १२ जण ठार : राधाकृष्ण विखे पाटील

पीडितांना सर्व प्रकारच्या मदतीचे निर्देशही राज्य सरकारकडून देण्यात आल्याचे त्यांनी सांगितले.

मुंबईत डोंगरी भागातील कौसरबाग ही चार मजली इमारत कोसळल्याने झालेल्या दुर्घटनेत १२ जणांचा मृत्यू झाल्याची माहिती राज्याचे गृहनिर्माण मंत्री राधाकृष्ण विखे-पाटील यांनी माध्यमांशी बोलताना दिली आहे. त्याचबरोबर या दुर्घटनेत ४० जण जखमी झाल्याचेही त्यांनी सांगितले. दरम्यान, पीडितांना सर्व प्रकारच्या मदतीचे निर्देशही राज्य सरकारकडून देण्यात आल्याचे त्यांनी सांगितले.

विखे पाटील म्हणाले, कोसळलेली इमारत ही म्हाडाची इमारत आहे मात्र, ती धोकादायक अवस्थेत नसल्याची माहिती आम्हाला मिळाली आहे. गृहनिर्माण खात्याच्या सर्व अधिकाऱ्यांना घटनास्थळी पाठवण्यात आलं आहे. १० ते १५ कुटुंब येथे वास्तव्यास होती. ४० लोक या दुर्घटनेत जखमी झाले आहेत. बचावकार्य सुरु असून यामध्ये अडकलेल्या लोकांना वाचवणं ही आमची प्राथमिकता आहे. त्याचबरोबर या संपूर्ण घटनेची चौकशी केली जाईल.

इमारतीच्या ढिगाऱ्याखाली अडकलेल्यांमध्ये महिला आणि लहान मुलांचा समावेश जास्त असण्याची शक्यता आहे. मदत आणि बचावकार्य सुरु असताना पोलीस बंदोबस्तही तैनात करण्यात आला आहे. चिंचोळी गल्ली असल्याने या ठिकाणी मदतकार्यात अडथळे येत आहेत.

सकाळी ११ वाजून ४० मिनिटांच्या सुमारास ही दुर्घटना घडली आहे. स्थानिकांनी ही इमारत कोसळल्याची माहिती दिली. घटनास्थळी पोलीस, अग्निशमन दल आणि रुग्णवाहिका दाखल झाल्या आहेत. एनडीआरएफच्या टीमलाही पाचारण करण्यात आलं असून मदत आणि बचाव कार्य सुरु करण्यात आलं आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 12 killed in building collapse housing minister vikhe patils information aau

Next Story
केरोसीन अनुदानाचे वितरण बँक खात्यांच्या माध्यमातून- अनिल देशमुख
ताज्या बातम्या