मुंबई : मेल, एक्स्प्रेस गाड्यांसाठी स्वतंत्र मार्गिका उपलब्ध करून देतानाच लोकलचे वेळापत्रक सुरळीत करण्यासाठी ठाणे ते दिवा पाचव्या आणि सहाव्या मार्गाच्या कामाला मुंबई रेल्वे विकास महामंडळ (एमआरव्हीसी) आणि मध्य रेल्वेकडून गती दिली जात आहे. या मार्गिकेच्या कामासाठी २८ नोव्हेंबरला १४ तासांचा मेगाब्लॉक घेतला जाणार आहे. काही तांत्रिक कारणास्तव ब्लॉक न घेतल्यास ५ डिसेंबरलाही तो घेण्याचा पर्याय ठेवल्याचे रेल्वेतील वरिष्ठ अधिकाऱ्याने सांगितले. ब्लॉकदरम्यान काही फेऱ्याही रद्द होतील. तर मेल-एक्स्प्रेस गाड्यांच्या वेळापत्रकावरही काहीसा परिणाम होण्याची शक्यता आहे.
