पुण्याहून मुंबईच्या दिशेने निघालेली तवेरा मोटार दरीत कोसळून झालेल्या अपघातात ४ जणांचा जागीच मृत्यू झाला, तर २ जण जखमी झाले. आज (शनिवार) पहाटे तीन वाजता मुंबई-पुणे द्रुतगती महामार्गावर खालापूर जवळ हा अपघात घडला.मिळालेल्या माहितीनुसार, पुण्याहून मुंबईच्या दिशेने भरधाव वेगात निघालेली टवेरा मोटार महामार्गालगतच्या दरीत १०० फुट खाली कोसळली. या अपघातात चार जणांचा जागीच मृत्यू झाला, तर दोन जण जखमी झाले.
