उत्तर प्रदेशमध्ये अटक केलेल्या एका गुन्हेगाराला गोवा पोलीस गोव्याला घेऊन जात होते. मात्र अटक केलेला हा ३२ वर्षीय इसम मुंबई विमानतळावर पोलिसांच्या हातावर तुरी देऊन निसटला आहे. पोलिसांनी त्याचा पाठलाग केला. मात्र त्याला पकडू शकले नाहीत. गुन्हेगार निसटल्यानंतर पोलिसांनी सहार पोलीस ठाण्यात तक्रार दाखल केली. दरम्यान, एका वरिष्ठ पोलीस अधिकाऱ्याने सांगितलं की, इमाद वसीम खान याला उत्तर प्रदेशमधून ताब्यात घेतलं होतं. त्यानंतर त्याला गोव्याला आणलं जात होतं. बुधवारी सकाळी ६ वाजता गोवा पोलिसांचं एक पथक इमादला घेऊन मुंबईच्या छत्रपती शिवाजी महाराज आंतरराष्ट्रीय विमानतळावर पोहोचलं. मुंबई विमानतळावर असताना तो पोलिसांच्या हातून निसटला. इमादविरोधात गोव्यात काही लोकांना बंदिस्त करणे, मारहाहण करणं, तोतया शासकीय अधिकारी बनून लोकांची फसवणूक केल्याचे गुन्हे दाखल आहेत.

गोवा पोलिसांनी त्यांना मिळालेल्या माहितीच्या आधारे उत्तर प्रदेशात जाऊन इमाद खानला अटक केली होती. उत्तर प्रदेशमधील सहारनपूर येथे तो लपल्याची माहिती मिळाली होती. त्यानुसार त्यांनी स्थानिक पोलिसांची मदत घेऊन इमादल्या बेड्या ठोकल्या. त्यानंतर दोन पोलीस त्याला विमानाने गोव्याला घेऊन जात होते. मुंबई विमानतळावरून दोन्ही पोलीस आणि इमाद गोव्याला जाणाऱ्या विमानात बसणार होते. मात्र मुंबई विमानतळावर एक पोलीस कर्मचारी विमातळावरील कर्मचाऱ्याशी टी-१ विमानतळाबाबत (देंशातर्गत विमानांची उड्डाणे येथूनच होतात) विचारणा करत होता. त्याचवेळी इमाद खान दुसऱ्या पोलिसाला धक्का देऊन तिथून पळून गेला.

Pune Porsche Accident Latest Updates in Marathi
Porsche Crash: “अपघातात दोघांना चिरडून ठार करणाऱ्या मुलावरही आघात झालाय, त्याला..” मुंबई उच्च न्यायालयाचं मत
CCTV Footage Burger King 26 Year Old Guy Shot 38 Bullets
“हा सूड होता”, म्हणत बर्गर किंगमध्ये ३८ गोळ्या झाडून तरुणाची हत्या! CCTV फुटेजमध्ये दिसली ‘मिस्ट्री गर्ल’; वाचा घटनाक्रम
Election Commission
लोकसभा झाली, आता विधानसभा! निवडणूक आयोगानं जारी केली महत्त्वाची माहिती; २५ जूनची तारीखही ठरली!
Sania Mirza Marrying Mohammed Shami Rumors
सानिया मिर्झा व मोहम्मद शमीच्या लग्नाच्या चर्चांवर सानियाच्या वडिलांनी सोडलं मौन; म्हणाले, “ती त्याला भेटली..”
Mumbai, Fraud, builder,
मुंबई : ड्रग्सच्या नावाखाली बांधकाम व्यावसायिकाची अडीच कोटींची फसवणूक
Pune Porsche Accident
Maharashtra News : पोर्श कार अपघात प्रकरणातील आरोपीच्या वडीलांना जामीन मंजूर
kashmira pawar satara arrested forged as pmo appointed
साताऱ्यातील कश्मिरा पवारची ‘घोटाळा’झेप; आधी उत्तुंग कामगिरीच्या बातम्या, नंतर फसवाफसवी झाली उघड!
pooja khedkar ias mother manorama khedkar viral video
आता IAS पूजा खेडकर यांच्या आई मनोरमा चर्चेत; गावकऱ्यांना पिस्तुल दाखवून धमकावतानाचा Video व्हायरल!

मुंबईतील सहार पोलीस ठाण्यात दाखल केलेल्या एफआयआरनुसार दोन्ही पोलिसांनी त्याचा पाठलाग केला. मात्र तो विमानतळावरून निसटला आणि एका कारमध्ये बसला. तोवर एक पोलीस त्या कारपर्यंत पोहोचला, पोलिसाने त्याला कारमधून बाहेर खेचण्याचा प्रयत्न केला. मात्र दोघांमध्ये तिथे हाणामारी झाली आणि इमाद कारमध्ये बसून पळून गेला. दोन्ही पोलिसांनी इमादचा माग काढण्याचा प्रयत्न केला. मात्र तो पळून जाण्यात यशस्वी ठरला. अखेर या पोलिसांनी सहार पोलीस ठाण्यात तक्रार दाखल केली. आता मुंबई पोलीसही इमादचा तपास करत आहेत.

हे ही वाचा >> मुंबई पदवीधरमध्ये मतदार यादीचा घोळ; १२ हजार नावे समाविष्ट नसल्याचा आरोप

इमादविरोधात भादंवि कलम ३४२, १७०, ३२३, , ५०६, ३८९ आणि ३४ अंतर्गत गुन्हा दाखल करण्यात आला होता. तो गोव्यात सरकारी अधिकारी असल्याचे सांगून लोकांना धमकावत होता, पैसे उकळत होता. अनेकांना लुबाडून तो उत्तर प्रदेशला पळून गेला. इमाद उत्तर प्रदेशात असल्याची माहिती म्हापसा पोलिसांना मिळाली होती. त्या माहितीच्या आधारे म्हापसा पोलिसांचे पथक उत्तर प्रदेशात रवाना झाले. गोवा पोलिसांनी मंगळवारी त्याला तेथून अटक केली. मात्र बुधवारी तो मुंबई विमानतळावरून फरार झाला. दोन हवालदार त्याला घेऊन येत होते. त्यापैकी एक जण विमातळावरील कर्मचाऱ्यांशी बोलत असताना इमादने हवालदार सुशांत चोपडेकरला ढकललं आणि तिथून पळून गेला.