सांताक्रुझ हत्येप्रकरणी आरोपीला अटक, गुन्हे शाखेची कारवाई

राजेशकुमार शुक्ला (३५) असे मृत व्यक्तीचे नाव आहे. शुक्ला याचे आरोपीशी पूर्वी भांडण झाले होते. त्या रागातून आरोपीने काठी, पेव्हर ब्लॉक व छत्री याने शुक्लाला मारहाण केली. त्यानंतर शुक्लाला तातडीने कुपर रुग्णालयात नेण्यात आले. मात्र रुग्णालयातील डॉक्टरांनी त्याला मृत घोषित केले. सुरक्षा रक्षक मकरबहादूर सिंह याच्या तक्रारीवरून सांताक्रुझ पोलिसांनी याप्रकरणी हत्येचा गुन्हा दाखल केला. ही संपूर्ण घटना सीसीटीव्ही कॅमेऱ्यात चित्रित झाली होती.

आणखी वाचा

वसई : टॅकरची वाहनाला धडक दिल्याने वाद, चौघांनी केलेल्या मारहाणीत टॅंकरचालकाचा मृत्यू

मुंबई: पेव्हर ब्लॉक डोक्यात मारून एकाची हत्या

आयएएसचे स्वप्न उराशी बाळगणाऱ्या ध्येयवेड्या सोहमचे मुनगंटीवार यांनी केले कौतुक!

इराणमध्ये हिजाबसक्ती अधिक कठोर; विरोधी आंदोलनाच्या वर्षपूर्तीनंतर निर्णय 

हेही वाचा – सरकार जनतेच्या पैशावर परदेश दौऱ्यात मग्न; आदित्य ठाकरे यांचा आरोप

हेही वाचा – मुंबई: गस्तीवरील पोलिसाचा मृत्यू

सांताक्रुझ पश्चिम परिसरातील एस. व्ही. रोडवरील डायग्नोस्टिक सेंटरसमोरील शुक्ला झोपले होते. त्यावेळी आरोपीने त्यांच्यावर हल्ला केला. गुन्ह्याचे गांभीर्य पाहता गुन्हे शाखा, कक्ष ९ यांच्या पथकाने याप्रकरणी समांतर तपास सुरू केला. प्रभारी पोलीस निरीक्षक दया नायक व कक्ष ९ चे अधिकारी व अंमलदार यांनी तांत्रिक तपासाच्या आधारे तपास केला. त्यावेळी गुन्ह्यातील पाहिजे आरोपी हा रेल्वेने किंग्ज सर्कल येथे येणार असल्याची माहिती मिळाली. त्यावरून कक्ष ९ पथकाने किंग्ज सर्कल रेल्वे स्थानाकजवळून आरोपीला ताब्यात घेतले. आरोपीचा गुन्ह्यात सहभाग असल्याचे मान्य केले. आरोपी मिश्रा अ‍ॅन्टॉपहिल परिसरातील रहिवासी असल्याचे पोलिसांनी सांगितले.