मुंबई : वाहतूक नियंत्रण शाखेने नुकत्याच राबवलेल्या विशेष मोहिमेदरम्यान वाहतुकीच्या नियमांचे उल्लंघन करणाऱ्या २२१ ई-बाईक चालकांवर भारतीय न्याय संहितेअंतर्गत गुन्हे दाखल करण्यात आले, तर, २९० ई-बाईक्स जप्त करण्यात आल्या.
ई-बाईक्स चालक विशेषतः डिलेव्हरी बॉयकडून मोठ्या प्रमाणात वाहतुकीच्या नियमांचे उल्लंघन केले जाते. त्यांच्याविरोधात असंख्य तक्रारी वाहतूक नियंत्रण शाखेकडे केल्या जातात. हीच बाब लक्षात घेऊन ई-बाईक चालकांना वाहतुकीची शिस्त लागावी यासाठी वाहतूक नियंत्रण शाखेकडून नुकतीच तीन दिवसांची विशेष मोहीम राबवण्यात आली. या मोहिमेअंतर्गत उपरोक्त कारवाई करण्यात आली.
हेही वाचा – बॉलीवूडची लोकप्रिय पटकथाकार जोडी सलीम – जावेद पुन्हा एकत्र येणार
हेही वाचा – म्हाडाच्या सोडतीसाठी बनावट संकेतस्थळ… इच्छुक अर्जदारांची अशी होते आर्थिक फसवणूक
या विशेष मोहिमेदरम्यान विरुद्ध दिशेने ई-बाईक चालविल्याप्रकरणी २७२, सिग्नल स्पीशप्रकरणी ४९१. निषिद्ध क्षेत्रात गाडी नेल्याप्रकरणी २५२ व स्थानिक गुन्हे १६१ अशा ११७६ ई-बाईक चालकांवर कारवाई करून त्यांच्याकडून एकूण १,६३,४०० रुपयांचा दंड वसूल करण्यात आला.
