एअर इंडियाच्या विमानांचे सारथ्य ९ महिला वैमानिकांकडे; एअर इंडियात आंतरराष्ट्रीय महिला दिन साजरा

एअर इंडियाच्या महिला वैमानिकांनी उड्डाण केलेली नऊ विमाने लंडन हीथ्रो, नवी दिल्ली आणि मुंबई या निवडक आंतरराष्ट्रीय तसेच देशांतर्गत मार्गांवर होती. या विमानांचे संपुर्ण संचालन महिलांनी केले. यात वैमानिक, विमानातील कर्मचारी, क्रू रोस्टर प्लॅनिंग विश्लेषक, रोस्टरिंग कर्मचारी, विमान डिस्पॅचर आणि प्रस्थान ते आगमन पर्यंतच्या विमानाच्या नियोजनासह देखरेख करणारे हवामानशास्त्रज्ञ, क्रू फ्लाइट कंट्रोलर्स आणि महिला ऑपरेशन्स कंट्रोल ड्युटी मॅनेजर यांचा समावेश होता.

एअऱ इंडियाच्या विमानतळ ऑपरेशन्समध्ये, दोन वर्षांत महिलांचे प्रतिनिधित्व २४ % वरून ३१ % पर्यंत वाढले आहे. सुरक्षेत १४ % वरून २२ % पर्यंत वाढले आहे. डिजिटल,तंत्रज्ञान आणि विमान वाहतूकीत महिलांचे प्रमाण वाढत आहे. महिला वैमानिक एअर इंडियाच्या एकूण वैमानिक ककर्मचाऱ्यांमध्ये १६ टक्के आहेत. हे प्रमाण जागतिक सरासरीपेक्षा तिप्पट आहे.