दुष्काळाच्या झळा सोसत असलेल्या महाराष्ट्रातील जनतेला दिलासा देण्यासाठी उपाययोजना केलेला आणि त्यासाठी काही वस्तूंवरील करात पुढील एका वर्षासाठी वाढ सूचविणारा सन २०१३-१४चा राज्याचा अर्थसंकल्प उपमुख्यमंत्री आणि अर्थमंत्री अजित पवार यांनी बुधवारी विधानसभेत सादर केला. सुमारे सव्वा तासाच्या अर्थसंकल्पीय भाषणात अजित पवार यांनी अधूनमधून बहिणाबाईंसह इतर कवींच्या कवितांच्या ओळी वाचून सत्ताधाऱयांसह विरोधकांच्या चेहऱयावर हास्य फुलवले. संपूर्ण मराठवाडा, विदर्भातील काही जिल्हे आणि पश्चिम महाराष्ट्रातील काही तालुक्यांमध्ये यावर्षी मोठा दुष्काळ आहे. अनेकांना दुष्काळामुळे गाव सोडून शहराकडे स्थलांतर करावे लागले आहे. गुरांना जगविण्यासाठी अनेक ठिकाणी चारा छावण्या सुरू करण्यात आल्या आहेत. या पार्श्वभूमीवर पुढील आर्थिक वर्षासाठी सादर करण्यात येणाऱया राज्याच्या अर्थसंकल्पात दुष्काळाचे प्रतिबिंब उमटेल, याची आधीपासून शक्यता वर्तविण्यात आली होती. अजित पवार यांनी भाषणाच्या सुरुवातीलाच राज्यात दुष्काळाचे संकट तीव्र असल्याचा पुनरुच्चार केला तसेच अर्थसंकल्पात दुष्काळ निवारणासाठी सर्वाधिक तरतूद करण्यात आली असून जास्त निधी त्याच कामावर खर्च करण्यात येईल, असेही त्यांनी स्पष्ट केले. टंचाईग्रस्त जनतेसाठी निधी कमी पडू देणार नाही, असेही त्यांनी सांगितले.अर्थसंकल्पातील महत्त्वाच्या तरतुदीशेतकऱयांना कमी दरात वीज देण्यासाठी ३२०० कोटींची तरतूदमाजी मुख्यमंत्री दिवगंत वसंतराव नाईक यांच्या जन्मशताब्दी वर्षासाठी १०० कोटी रुपयांची तरतूदशेतकऱयांना खतांसाठी ५३ कोटी रुपयांची तरतूदचारा विकास कार्यक्रमासाठी ४३ कोटींची तरतूदजेट्टी विकासासाठी १०२ कोटी रुपयांची तरतूदराजीव गांधी जीवनदायी योजना संपूर्ण राज्यात राबविणारा असून, त्यासाठी ३२५ कोटी रुपयांची तरतूदमासळी साठवणुकीसाठी ३७ कोटी रुपयांची तरतूदविद्यार्थ्यांना गुणवत्तापूर्ण शिक्षण देण्यासाठी ७११ कोटी ५० लाख रुपयांची तरतूदआरोग्य केंद्रांच्या बांधकामासाठी ४७७ कोटी रुपयांची तरतूदमुलींचे गळतीचे प्रमाण कमी करण्यासाठी शाळेच्या परिसरात वसतीगृह बांधण्यासाठी १०० कोटींची तरतूदशिक्षकांना वेतनेतर अनुदान देण्यासाठी २६६ कोटी रुपयेपिण्याच्या पाण्यासाठी २०० कोटी रुपयेमाहिती-तंत्रज्ञान विषय शिकवण्यासाठी ११३ कोटी रुपये राज्य सरकारची तरतूदराज्य युवा धोरणासाठी १५० कोटी रुपयांची तरतूदराज्यातील रस्ते चौपदरीकरणाचे १२ प्रकल्प विचाराधीनरस्त्यांच्या विकासासाठी दोन हजार ७१६ कोटी रुपयांची तरतूदविविध वीज निर्मिती प्रकल्पांसाठी १९६ कोटींची तरतूदअपारंपारिक ऊर्जास्रोतांसाठी ८० कोटी रुपयांची तरतूदमहाराष्ट्र औद्योगिक धोरण २०१३ अंमलबजावणीसाठी १२३ कोटी रुपयेनागपूरमधील मिहान प्रकल्पासाठी २०० कोटी रुपयांची तरतूदमहापालिकांच्या हद्दवाढ झालेल्या भागांतील सोयीसुविधांसाठी २० कोटी रुपयेमुंबईतील मोनो रेलचा दुसरा टप्पा २०१४पर्यंत पूर्ण होईलसर्व शिक्षा अभियनासाठी ७११ कोटी रुपयांची तरतूदनागपुरातील ताजबागसाठी २० कोटींची तरतूदवर्ध्यातील सेवाग्रामसाठी ३० कोटी रुपयेशालेय पोषण आहारासाठी एक हजार २६४ कोटी रुपयांची तरतूदकिशोरवयीन मुलींच्या सक्षमीकरणासाठी ११० कोटींची तरतूदमहात्मा गांधी ग्रामीण रोजगार हमी योजनेसाठी ७८७ कोटींची तरतूदअल्पसंख्याक समाजातील युवावर्गाच्या योजनांसाठी २८० कोटींची तरतूदआश्रमशाळा बांधकामासाठी ५०१ कोटी रुपये प्रस्तावितआधुनिक बारकोडेड शिधापत्रिका देण्यासाठी १३ कोटी प्रस्तावितसंग्रहालयांच्या संवर्धनासाठी ३७ कोटी रुपये तरतूदमोठ्या शहरात सीसीटीव्ही कॅमेरे बसविण्यासाठी १५० कोटी रुपयांची तरतूदपोलिसांच्या निवासस्थानासाठी आणि ठाण्यांसाठी १८८ कोटी रुपयेराज्यात ५८४ नवीन गोदामे बांधणारमाळढोक अभयारण्यासाठी १० कोटी रुपये