लोकसत्ता प्रतिनिधी

मुंबई : विविध मागण्यांसाठी गेल्या तीन दिवसांपासून आझाद मैदानावर आंदोलनाला बसलेल्या आशा सेविका व आरोग्य सेविकांनी मुख्यमंत्र्याच्या भेटीशिवाय माघार नाही असा पवित्रा घेतला आहे. मात्र आंदोलनाच्या पहिल्या दिवसांपासून मुख्यमंत्री कार्यालयाकडून त्यांना भेटीसंदर्भात केवळ तारीखा देण्यात येत आहे. पहिल्या दोन दिवसांमध्ये सायंकाळपर्यंत वेळ मिळेल, असे आश्वासन देण्यात आले होते. तिसऱ्या दिवशी थेट दोन दिवसांनंतरची वेळ भेटीसाठी मिळेल, असे सांगण्यात आले आहे. त्यामुळे आशा सेविका आणि आरोग्य सेविका आक्रमक झाल्या आहेत.

Teams ready to inspect billboards Instructions to submit report within seven days
जाहिरात फलकाची पाहणी करण्यासाठी पथके सज्ज, सात दिवसात अहवाल सादर करण्याचे निर्देश
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Maratha Reservation An in-depth study of backwardness of Maratha community by Justice Sunil Shukre Commission
मराठा आरक्षण : न्या. शुक्रे आयोगाकडून मराठा समाजाच्या मागासलेपणाचा सखोल अभ्यास
Eknath Shinde assured the Government Employees Association that the retirement age of government employees is 60
सरकारी कर्मचाऱ्यांचे निवृत्ती वय ६०; मुख्यमंत्र्यांकडून सरकारी कर्मचारी संघटना आश्वस्त
Slaughter of animals allowed in private shops and municipal markets on the occasion of Bakri Eid
मुंबई : बकरी ईदनिमित्त खासगी दुकानांसह महापालिका बाजारांत प्राण्याच्या कत्तलीस परवानगी
Online Betting on Lok Sabha Election Results
मुंबई : लोकसभा निवडणुकीच्या निकालावर ऑनलाईन सट्टा
What Kiran mane Said About Ketki Chitale?
केतकी चितळेला किरण मानेंचा सवाल, “अभिमानाने ‘चित्पावन कोकणस्थ ब्राह्मण’ जात सांगणारी ताई आता हिंदू..”
flesh eating bacteria in japan
जपानमध्ये मांस खाणार्‍या जिवाणूचा उद्रेक, ४८ तासांत माणसाचा मृत्यू; हे जीवाणू जगभरात थैमान घालणार?

मुंबई महानगरपालिकेअंतर्गत कार्यरत असलेल्या दोन हजार आशा सेविका व चार हजार आरोग्य सेविकांनी विविध मागण्यांसाठी मंगळवारपासून आझाद मैदानात बेमुदत काम बंद आंदोलन पुकारले आहे. आपल्या मागण्यांसाठी त्यांनी मुख्यमंत्री एकनाथ शिंदे, मुंबई महानगरपालिका आयुक्त भूषण गगराणी यांना निवेदन दिले होते. आयुक्तांनी मुंबई महानगरपालिकेचे अतिरिक्त आयुक्त सुधाकर शिंदे यांच्यासोबत बुधवारी आंदोलकांना चर्चा करण्यास सांगितले. त्यानुसार तब्बल दोन तास झालेल्या चर्चेमध्ये कोणताही तोडगा निघाला नाही. त्यामुळे आशा सेविका व आरोग्य सेविकांनी मुख्यमंत्री एकनाथ शिंदे यांची भेट घेतल्याशिवाय माघार नाही, असा पवित्रा घेतला होता.

आणखी वाचा-मुंबई : लोकसभा निवडणुकीच्या निकालावर ऑनलाईन सट्टा

मात्र आंदोलनाच्या पहिल्या दोन दिवशी सायंकाळपर्यंत मुख्यमंत्र्यांच्या भेटीची वेळ मिळेल असे आश्वासन मुख्यमंत्री कार्यालयाकडून देण्यात येत होते. मात्र तिसऱ्या दिवशी थेट दोन दिवसांनंतर मुख्यमंत्र्यांच्या भेटीची वेळ मिळेल, असे सांगण्यात आले आहे. परंतु याबाबतही कोणतेही निश्चित आश्वासन देण्यात आले नाही. त्यामुळे मुख्यमंत्री कार्यालयाकडून फक्त आश्वासनावरच बोलवण होत असल्याची टीका आशा व आरोग्य सेविकांकडून करण्यात येत आहे.

दरम्यान, मुख्यमंत्र्यांसोबत भेट झाल्याशिवाय माघार घेणार नाही, अशी ठाम भूमिका घेत आशा सेविका व आरोग्य सेविकांनी आंदोलन अधिक तीव्र केले आहे. तिसऱ्या दिवशी आशा व आरोग्य सेविकांनी आझाद मैदानात जोरदार आंदोलन केले असल्याची माहिती महापालिका आरोग्य सेवा कर्मचारी संघटना आणि म्युनिसिपल आशा सेविका युनियनचे अध्यक्ष ॲड. प्रकाश देवदास यांनी दिली.