बीडीडी चाळ प्रकल्प : पुनर्वसित इमारतीतील घरांसाठी बुधवारी सोडत

घरांची ऑनलाइन नोंदणी करत सोडतीतील पात्र रहिवाशांना करारपत्र वितरित करण्यात येणार आहे.

मुंबई : बीडीडी चाळ पुनर्विकास प्रकल्पाअंतर्गत ना.म.जोशी मार्ग, नायगाव आणि वरळीतील पुनर्वसित इमारतीतील घरांसाठी बुधवारी २० ऑक्टोबरला ऑनलाइन सोडत काढण्यात येणार आहे. बुधवारी सकाळी ११ वाजता म्हाडा भवनातील गुलझारीलाल नंदा सभागृहात ही सोडत होणार असून एका चाळीतील केवळ पाच सदस्यांना ‘प्रथम येणाऱ्यास प्राधान्य’ तत्त्वावर सोडतीसाठी उपस्थित राहता येईल.

बीडीडी प्रकल्पातील पात्र रहिवाशांना पुनर्वसित इमारतीत कोणत्या मजल्यावर आणि कोणते घर मिळणार हे ठरविण्यासाठी पुनर्वसित इमारती बांधून पूर्ण होण्याआधीच सोडत काढण्याचा निर्णय घेण्यात आला. रहिवाशांना हक्काच्या घराची हमी देण्यासाठी हा निर्णय घेण्यात आला आहे. या निर्णयानुसार काही महिन्यांपूर्वी ना.म. जोशी मार्ग येथील २७२ पात्र रहिवाशांना सोडतीद्वारे घराची हमी देण्यात आली आहे. ही सोडत झाल्यानंतर घरांची ऑनलाइन नोंदणी करत सोडतीतील पात्र रहिवाशांना करारपत्र वितरित करण्यात येणार आहे.

 २७२ घरांची सोडत झाल्यानंतर वरळी, ना.म.जोशी आणि नायगावमधील पात्र रहिवाशांनाही घराची हमी देण्यासाठी सोडत काढण्याची तयारी केली. मात्र बीडीडीतील पुनर्वसित इमारतीतील घरांसाठी केवळ एक हजार रुपये मुद्रांक शुल्क आकारण्याचा अध्यादेश जारी होत नसल्याने ही सोडत रखडली होती. पण मागील आठवडय़ात यासंबंधीचा अध्यादेश जारी झाला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bdd chaal project draw for houses in rehabilitated buildings on wednesday zws

Next Story
पक्षांतर्गत राजकारणाला कंटाळून राष्ट्रवादीच्या प्रवक्त्याचा राजीनामा
ताज्या बातम्या