मुंबई : गेट वे ऑफ इंडिया – बेलापूर वॉटर टॅक्सी सेवा फेब्रुवारीच्या पहिल्या आठवडय़ापासून सुरू होणार आहे. मुंबई बंदर प्राधिकरणाने यासाठी नयनतारा शिपिंग प्रायव्हेट लिमिटेडला  परवानगी दिली. यानुसार सोमवारी ते शुक्रवारदरम्यान सकाळी एक आणि संध्याकाळी एक अशी फेरी सुरू करण्याचा निर्णय कंपनीने घेतला आहे. या सेवेमुळे ६० मिनिटांत प्रवास  शक्य होणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

२०० प्रवासी क्षमतेची देशातील पहिली वॉटर टॅक्सी सेवा नोव्हेंबर २०२२ पासून मुंबईतील जलमार्गावर सुरू झाली. मुंबई  क्रूझ टर्मिनल – मांडव्यादरम्यान ही सेवा आहे.  सातही दिवस तीन-तीन अशा एकूण सहा फेऱ्या (मुंबई – मांडवा तीन आणि मांडवा – मुंबई तीन) सुरू झाल्या. मात्र प्रतिसादाअभावी काही दिवसांतच, डिसेंबर २०२२ मध्ये सोमवार ते शुक्रवारदरम्यान ही टॅक्सी पूर्णत: बंद करण्याची नामुष्की कंपनीवर ओढावली. सध्या केवळ शनिवार आणि रविवारी मांडवा – मुंबई क्रूझ टर्मिनल आणि मांडवा ते बेलापूरमार्गे मुंबई क्रुझ टर्मिनल अशी सेवा सुरू ठेवली. 

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Belapur gateway of india water taxi will start from february mumbai print news zws
First published on: 28-01-2023 at 02:35 IST