दादर बस अपघातातील ‘बेस्ट’च्या वाहकाचा मृत्यू

दादर टीटी खोदादाद सर्कल येथे २७ ऑक्टोबरला तेजस्विनी बसच्या चालकाने सिग्नलवर उभ्या असलेल्या डंपरला मागून भरधाव वेगात येऊन धडक दिली होती.

मुंबई : दादर टीटी खोदादाद सर्कल येथे बेस्ट उपक्रमाच्या तेजस्विनी बसने सिग्नलवर उभ्या असलेल्या डंपरला धडक दिली होती. या दुर्घटनेत गंभीर जखमी वाहकाचा सोमवारी रात्री शीव येथील लोकमान्य टिळक रुग्णालयात मृत्यू झाला.

दादर टीटी खोदादाद सर्कल येथे २७ ऑक्टोबरला तेजस्विनी बसच्या चालकाने सिग्नलवर उभ्या असलेल्या डंपरला मागून भरधाव वेगात येऊन धडक दिली होती. या दुर्घटनेत १० जखमी झाले होते, त्यापैकी गंभीर जखमी चालक राजेंद्र सुदाम काळे यांचा शुक्रवारी सकाळी सायन रुग्णालयात उपचारादरम्यान मृत्यू झाला, तर वाहक काशिराम धुरी (५७) यांचा सोमवारी रात्री उशिरा रुग्णालयात उपचारादरम्यान मृत्यू झाला. दरम्यान, या अपघातात सुलतान अन्सारी (५०), रुपाली गायकवाड (३६) हे दोघे गंभीर जखमी असून त्यांच्यावर शीव येथील लोकमान्य टिळक रुग्णालयात उपचार सुरू आहेत. जखमींपैकी दोघांना रुग्णालयातून घरी पाठवण्यात आले आहे. उर्वरित जखमींपैकी दोघांची प्रकृती गंभीर आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Best carrier dies in dadar bus accident akp

Next Story
महाबळेश्वर संमेलन अधिकृत, टोरांटो मात्र अनधिकृत!
ताज्या बातम्या