वातानुकूलीत बसला उंच गतिरोधकांचा अडथळा, सर्वेक्षण करण्याचा बेस्टचा निर्णय

मुंबईतील अनधिकृत आणि चुकीच्या पध्दतीने बांधण्यात आलेल्या गतिरोधकांची संख्या अधिक आहे. या गतिरोधकामुळे वाहनचालकांना वाहन चालवणे अवघड होते. तसेच अशा गतिरोधकामुळे वाहतूक कोंडी होते. यासह अनेक वेळा अपघात होतात. त्याचप्रमाणे बेस्ट उपक्रमाच्या ताफ्यात विद्युत वातानुकूलित दुमजली बसचे उंच गतिरोधकामुळे नुकसान होते. बसचा खालील भाग आणि रस्त्यामधील उंचीचे अंतर कमी असल्याने उंच गतिरोधकावरून या बस जाताना खालून घासल्या जातात.

आणखी वाचा

नवी मुंबई : बांधकाम नियमावलीचे कागदी घोडे

१० ऑक्टोबर पंचांग: गुरुची वक्री चाल तर महागौरी…

नागरिकांच्या रोषामुळे क्लस्टर योजनेचे सर्व्हेक्षण थांबवले

यंदाच्या रब्बी हंगामात उच्चांकी पेरण्या होणार?

कल्याणी स्ट्रॅटेजिक सिस्टीम्सचा अमेरिकी संरक्षण कंपन्यांशी करार; अत्याधुनिक तोफा मंच बनविण्यासाठी भागीदारीचे पाऊल

‘एफ अँड ओ’मध्ये १० पैकी ९ जण तोट्यात; भांडवली बाजार नियंत्रक सेबीच्या अहवालातून धक्कादायक वास्तव उघड

इन्फ्रास्ट्रक्चर फंड : स्वयंप्रकाशित तू तारा…

विश्लेषण: कांदा निर्यातीवरील शुल्क कमी होऊनही उत्पादक नाराज का?

हेही वाचा…गोविंदा अद्याप विम्यापासून वंचित, विमा संरक्षणावरून दोन संस्थांमध्ये वादाची हंडी

चालकांनी गतिरोधकावरून वेगात बसगाडी नेल्यामुळे प्रवाशांना दुखापत झाल्याची घडना घडली आहे. त्यामुळे गतिरोधकावरून बस चालवणे चालकांसाठी अवघड झाले आहे. परिणामी, बेस्ट प्रशासन याबाबत सर्वेक्षण करणार आहे. विद्युत वातानुकूलित दुमजली बस धावत असलेल्या मार्गावरील उंच गतिरोधकाची पाहणी करणार आहेत. त्यानंतर संबंधित विभागाला कळवून पुढील कार्यवाही केली जाईल, असे बेस्ट उपक्रमातील अधिकऱ्याने सांगितले.

हेही वाचा…केईएम रुग्णालयातील डॉक्टरांनी रुग्णांच्या गळ्याखालील ३० सेमी गाठ काढली, चार वर्षांच्या त्रासातून रुग्णाची सुटका

बेस्ट उपक्रमातील जुन्या दुमजली बसची बांधणी उत्तम प्रकारची होती. प्रवाशांना उभे राहण्यास जागा होती. मात्र नवीन विद्युत वातानुकूलित दुमजली बसची बांधणी प्रवाशांसाठी गैरसोयीची आहे. जुन्या बसची उंची १४.५ मीटर होती, तर नवीन बसची उंची १६ मीटर आहे. जुन्या बसपेक्षा नवीन बसची उंची अधिक असल्याने नवीन बसचे अनेक मार्ग बदलले आहेत. तसेच या बसचा ग्राउंड क्लीयरन्स जास्त असल्याने उंच गतिरोधकांमुळे कोट्यवधी रुपयांच्या बसचे नुकसान होत आहे. – रुपेश शेलटकर, ‘आपली बेस्ट आपल्याचसाठी’