मुंबई : मोठय़ा विद्यापीठांच्या तुलनेत लहान विद्यापीठांच्या माध्यमातून शैक्षणिक विकास व गुणवत्ता वाढीसाठी प्रयत्न करणे अधिक सुलभ असते. सध्या केंद्र सरकार लहान विद्यापीठांच्या स्थापनेला प्रोत्साहन देत आहे. यामुळे मुंबईतील तीन नामांकित महाविद्यालयांचा समावेश असलेल्या हैदराबाद सिंध नॅशनल कॉलेजिएट (एचएसएनसी)समूह विद्यापीठाने देशातील सर्वोत्तम ‘सेंटर ऑफ एक्सलन्स’ होण्याचा प्रयत्न करावा, असे आवाहन राज्यपाल तथा कुलपती भगतसिंह कोश्यारी यांनी शनिवारी एचएसएनसी समूह राज्य विद्यापीठाच्या पहिल्यावहिल्या दीक्षांत समारोह सोहळय़ात केले.

के. सी. महाविद्यालयाच्या सभागृहात झालेल्या समारंभाला ज्येष्ठ शास्त्रज्ञ व जागतिक संशोधन परिषदेचे अध्यक्ष डॉ. रघुनाथ माशेलकर प्रमुख पाहुणे म्हणून उपस्थित होते.‘विद्यार्थ्यांनी संतुलित, सुसंस्कृत, सुविद्य, समृद्ध तसेच जातीविरहित भारत निर्माण करण्याचे ध्येय बाळगावे’, असे मत माशेलकर यांनी व्यक्त केले. या वेळी एचएसएनसी विद्यापीठाचे प्रोव्होस्ट डॉ. निरंजन हिरानंदानी, विद्यापीठाच्या कुलगुरू डॉ. हेमलता बागला, एचएसएनसी मंडळाचे अध्यक्ष अनिल हरीश, कुलसचिव भगवान बालानी, परीक्षा मंडळाचे संचालक एम. एन. जस्टीन उपस्थित होते.

Dates of 299 exams of Mumbai University summer session announced Mumbai
मुंबई विद्यापीठाच्या उन्हाळी सत्रातील २९९ परीक्षांच्या तारखा जाहीर; दोन लाखांहून अधिक विद्यार्थी परीक्षार्थी
Aamir Khan announcement that Pani Foundation will implement group farming experiment in the state pune news
पाणी फाउंडेशन राज्यात गटशेतीचा प्रयोग राबवविणार; आमिर खान यांची घोषणा
Rat tail in student food akola
अकोला : विद्यार्थ्यांच्या पोषण आहारात उंदराचे शेपूट! दहा विद्यार्थ्यांना विषबाधा
Some results still pending post graduate law students regretting
मुंबई : काही निकाल अद्यापही रखडलेले, पदव्युत्तर विधि शाखेच्या विद्यार्थ्यांना मनःस्ताप