मुंबई : राज्यातील आगामी विधानसभा निवडणुकीची तयारी भाजपने सुरू केली असून, केंद्रीय पर्यावरणमंत्री भूपेंद्र यादव यांची प्रभारी तर रेल्वेमंत्री अश्विनी वैष्णव यांची सहप्रभारीपदी नियुक्ती करण्यात आली आहे. लोकसभा निवडणुकीतील अपयशानंतर राज्यात पुन्हा सत्ता मिळविण्याचे मोठे आव्हान भाजपसमोर आहे.

विधानसभेच्या निवडणुका जवळ असलेल्या सर्व राज्यांमध्ये आतापासून तयारी सुरू केली आहे. भूपेंद्र यादव आणि वैष्णव या दोघांकडे राज्याची जबाबदारी सोपिवण्यात आली आहे. यापैकी भूपेंद्र यादव हे संघटनात्मक बाबींमध्ये माहिर समजले जातात. भाजपच्या निवडणुकीच्या रणनीतीत त्यांचा नेहमीच सहभाग असतो. यापूर्वी २०१९च्या विधानसभा निवडणुकीच्या वेळी त्यांच्याकडे महाराष्ट्राचे प्रभारी म्हणून जबाबदारी होती. तेव्हा राज्यात भाजपला सर्वाधिक जागा मिळाल्या होत्या. या वेळीही यादव यांच्याकडेच राज्याची पुन्हा जबाबदारी सोपविण्यात आली आहे.

Prakash Ambedkar advice to Buddhists Dalits
बौद्ध, दलितांना शहाणे होण्याचा प्रकाश आंबेडकर यांचा सल्ला
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…
Aditya Thackeray criticizes the state government regarding North West Mumbai election result
वायव्य मुंबईतील निकालाची जगभर चर्चा; आदित्य ठाकरे यांचा राज्य सरकारवर हल्लाबोल
Tukaram mundhe
तुकाराम मुंढे यांची पुन्हा बदली, ‘या’ खात्याचा पदभार स्वीकारण्याचे मंत्रालयाकडून आदेश!
Crime against Thackeray Group MLA Allegedly entered the counting center with armed police bodyguard
ठाकरे गटाच्या आमदारावर गुन्हा; मतमोजणी केंद्रात शस्त्रधारी पोलीस अंगरक्षकासह प्रवेश केल्याचा आरोप
Claim of Rohit Pawar of Sharad Pawar group regarding MLAs of Ajit Pawar group
अजित पवार गटातील आमदारांची ‘घरवापसी’; शरद पवार गटाचे रोहित पवार यांचा दावा
Prakash Ambedkar, Buddhist-Dalits,
बौद्ध-दलित ‘शहाणे’ आहेतच, हे श्रेय प्रकाश आंबेडकरांनीही मान्य करावे!
South African fans object to Surya's catch
सूर्यकुमार यादवच्या ‘कॅच’वरुन पेटला नवा वाद, दक्षिण आफ्रिकन चाहत्याने VIDEO शेअर करत केला फसवणूक झाल्याचा दावा

हेही वाचा >>>अजित पवार गटातील आमदारांची ‘घरवापसी’; शरद पवार गटाचे रोहित पवार यांचा दावा

लोकसभा निवडणुकीत राज्यात भाजपला फक्त नऊ जागा मिळाल्या. गेल्या वेळी जिंकलेल्या २३ वरून संख्याबळ १४ ने घटले आहे. महायुतीत शिवसेना शिंदे गट आणि राष्ट्रवादीच्या अजित पवार गटाबरोबर जागावाटप करणे ही मोठी डोकेदुखी ठरणार आहे. महाराष्ट्राची सत्ता कायम राखणे हे भाजपसाठी मोठे आव्हान आहे. या दृष्टीने भूपेंद्र यादव यांना नियोजन करावे लागणार आहे.

महाराष्ट्राबरोबरच निवडणूक होत असलेल्या हरयाणामध्ये भाजपने प्रभारी म्हणनू केंद्रीय शिक्षणमंत्री धर्मेंद्र प्रधान तर सहप्रभारी म्हणून त्रिपूराचे माजी मुख्यमंत्री विप्लबकुमार देव यांची नियुक्ती केली आहे. झारखंडसाठी केंद्रीय कृषीमंत्री शिवराजसिंह चौहान प्रभारी तर आसामचे मुख्यमंत्री हेमंत बिस्वा सरमा यांची सहप्रभारीपदी नियुक्ती केली आहे.