लोकसत्ता विशेष प्रतिनिधी

मुंबई : लोकसभा निवडणुकीत मुख्यमंत्री एकनाथ शिंदे यांच्या नेतृत्वाखालील शिवसेनेचे सात उमेदवार निवडून आले असले तरी या उमेदवारांच्या विजयात भाजपचा मोठ्या प्रमाणावर हातभार लागला आहे. पण त्याच वेळी भाजप उमेदवारांच्या मतदारसंघांमध्ये शिवसेना शिंदे गटाची मते तेवढी भाजपकडे हस्तांतरित झालेली नाहीत. भाजप, शिंदे गट आणि अजित पवार गटाच्या महायुतीत भाजपचे पारंपारिक मते मित्र पक्षांकडे मोठ्या प्रमाणावर हस्तांतरित झाली. पण महायुतीत भाजप उमेदवारांना शिंदे वा अजित पवार गटाची तेवढी मते हस्तांतरित झाली नाहीत, असे भाजपच्या वरिष्ठांचे निरीक्षण आहे.

sharad pawar nifad nashik
दिंडोरीच्या यशानंतर शरद पवारांची निफाडमध्ये मोर्चेबांधणी, आमदार दिलीप बनकर यांच्या अडचणीत वाढ
Amol Kirtikar challenge to Ravindra Waikar MP
वायकर यांच्या खासदारकीला अमोल कीर्तिकरांचे आव्हान
Former President Donald Trump announced his candidacy at the Republican Party convention for the US presidential election
अधिवेशनात जंगी स्वागत, ट्रम्प यांच्या उमेदवारीवर शिक्कामोर्तब; व्हान्स उपाध्यक्षपदाचे उमेदवार
Kapil Patil, Kisan Kathore, Kapil Patil Kisan Kathore controversy, Kapil Patil Statement on Murbad Assembly, Murbad Assembly constituency, bjp
…तर मुरबाड विधानसभा लढवेन, माजी मंत्री कपिल पाटील यांच्या वक्तव्याने खळबळ
charulata tokas
‘या’ बड्या महिला काँग्रेस नेत्यास थेट मुख्यमंत्र्यांकडूनच विधानसभेची ऑफर…पक्षात घुसमट होत….
leaders photo missing from rohit patil birthday hoarding
आमदारपुत्र रोहित पाटलांच्या वाढदिनी शुभेच्छा जाहिरात फलकावरुन वरिष्ठ नेत्यांची फोटो गायब
Praniti Shinde, Assembly,
प्रणिती शिंदे यांची विधानसभेसाठी कसोटी
Sudhir Mungantiwar appeal to those who insult democracy and constitution Chandrapur
“लोकशाहीचा अपमान करणाऱ्या संविधान विरोधकांच्या विरोधातील लढा तीव्र करा,” सुधीर मुनगंटीवार यांचे आणीबाणी निषेध सभेत आवाहन

महाविकास आघाडीतही काँग्रेस, शिवसेना ठाकरे गट आणि राष्ट्रवादी शरद पवार गटात याउलट योग्य समन्वय होता. हातकणंगले मतदारसंघात शिवसेना शिंदे गटाचे धैर्यशील माने १३ हजार मतांनी विजयी झाले. त्यांच्या विजयात भाजपचा बालेकिल्ला असलेल्या इचलकरंजीमध्ये ४५ हजारांचे मताधिक्य मिळाले. बुलढाण्यात शिवसेना शिंदे गटाच्या विजयात संजय कुटे आणि आकाश फुंडकर या भाजप आमदारांच्या मतदारसंघांमध्ये चांगली आघाडी मिळाली. मावळमध्ये श्रीरंग बारणे यांच्या विजयात भाजपचे आमदार असलेल्या पनवेल आणि चिंचवड या दोन विधानसभा मतदारसंघांतून चांगली आघाडी मिळाली. संभीजीनगरमध्ये भाजपने जोर लावल्यानेच संदिपान भूमरे यांचा विजय झाला. कारण संभाजीनरमध्ये शिंदे गटाची यंत्रणा विस्तळीत होती. भाजपच्या स्थानिक नेत्यांनी मोदी यांच्यसाठी सारी ताकद पणाला लावली असे सांगण्यात येते.

हेही वाचा >>>आशियातील पहिल्या महिला रेल्वेचालकांना पंतप्रधानांच्या शपथविधी सोहळ्याचे आमंत्रण

वायव्य मुंबई मतदारसंघातून रवींद्र वायकर हे अवध्या ४८ मतांनी विजयी झाले. वायकर हे गेली अनेक वर्षे आमदार असलेल्या जोगेश्वरी मतदारसंघातून मोठ्या फरकाने मागे पडले. पण आमदार अमित साटम आणि मुरजी पटेल या भाजपच्या दोन स्थानिक नेत्यांनी मोठे मताधिक्य अंधेरीत मिळवून दिल्याने वायकर यांचा विजय झाला. कल्याणमध्ये मुख्यमंत्री एकनाथ शिंदे यांचे पुत्र श्रीकांत शिंदे मोठ्या मताधिक्याने विजयी झाले असले तरी डोंबिवलीत रविंद्र चव्हाण, मनसेचे आमदार राजू पाटील यांनी ताकद दिल्यानेच विजय अधिक सुकर झाल्याचे बोलले जाते. शिवसेना शिंदे गटाचे उमेदवार निवडून आणणे ही आमची जबाबदारी होती. कारण शिंदे गट कमकुवत झाला असता तर उद्धव ठाकरे यांची ताकद अधिक वाढली असती. हे होऊ नये म्हणूनच आम्ही सारी ताकद लावल्याचे भाजपच्या गोटातून सांगण्यात आले.