करकपातीसाठी इंधनाऐवजी मद्याला प्राधान्य ! आशीष शेलार यांचे सरकारवर टीकास्त्र

हे सरकार पब, पेग व पार्टीचे संस्कृतीचा सुरुवातीपासूनच पुरस्कार करीत असल्याचे शेलार यांनी स्पष्ट केले.

मुंबई : पब, पेग आणि पार्टी. हीच मुख्यमंत्री उद्धव ठाकरे यांच्या नेतृत्वाखालील राज्य सरकारची संस्कृती असल्याचे आणि हे सरकार विदेशी मद्याचे पुरस्कर्ते असल्याचे टीकास्त्र भाजप नेते अ‍ॅड. आशीष शेलार यांनी रविवारी सोडले.

विदेशी मद्यावरील कर मोठय़ा प्रमाणावर कमी करण्याच्या राज्य सरकारच्या निर्णयावर सडकून टीका करताना शेलार म्हणाले, राज्य सरकारचे प्राधान्य व प्राथमिकता कशाला आहे, हे निर्णयातून दिसून येते.

पंतप्रधान नरेंद्र मोदी यांनी पेट्रोल-डिझेल यावरील करात सवलत देऊन जनतेला दिलासा दिला. राज्य सरकारनेही करकपात करून पेट्रोल-डिझेलचे दर आणखी कमी करावेत, अशी मागणी मुख्यमंत्री उद्धव ठाकरे यांच्याकडे करण्यात आली होती. पण इंधनावरचे कर कमी करून जनतेला दिलासा देण्याऐवजी राज्य सरकारने विदेशी मद्यावरील कर ३०० टक्क्यांवरून १५० टक्के इतका कमी केला. हे सरकार पब, पेग व पार्टीचे संस्कृतीचा सुरुवातीपासूनच पुरस्कार करीत असल्याचे शेलार यांनी स्पष्ट केले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bjp mla ashish shelar criticizes mva government for reducing taxes on foreign liquor zws

Next Story
महाबळेश्वर संमेलन अधिकृत, टोरांटो मात्र अनधिकृत!
ताज्या बातम्या