मुंबई : बनावट ‘मजूर’प्रकरणी अटकेसारख्या कठोर कारवाईपासून दिलासा मिळवण्यासाठी भाजप आमदार आणि विधान परिषदेतील विरोधी पक्षनेते प्रवीण दरेकर यांनी सोमवारी उच्च न्यायालयात धाव घेतली. त्यांच्या याचिकेवर मंगळवारी सुनावणी होणार आहे. राज्य सरकारवर भ्रष्टाचाराचे आरोप करण्यापासून रोखण्यासाठी आपल्याविरोधात हा गुन्हा दाखल करण्यात आल्याचा दावा दरेकर यांनी अटकेपासून दिलासा मागताना केला आहे.

अटकेच्या भीतीने दरेकर यांनी सत्र न्यायालयात धाव घेऊन अटकपूर्व जामिनासाठी अर्ज केला होता. मात्र विशेष न्यायालयाने शुक्रवारी तो फेटाळला होता. त्याचवेळी निर्णयाला आव्हान देता यावे यासाठी त्यांना अटकेपासून मंगळवापर्यंत दिलासा दिला होता. त्यामुळे दरेकर यांनी सोमवारी उच्च न्यायालयात अटकपूर्व जामिनासाठी याचिका केली आहे. उच्च न्यायालयाच्या एकलपीठाकडे दरेकर यांच्या याचिकेवर मंगळवारी सुनावणी होण्याची शक्यता आहे.

Fraud with trader dhule
पंजाबचा व्यापारी अन धुळ्याचे पोलीस
The High Court reprimanded the government to be sensitive to the demand for the house of the eyewitnesses of the 26 11 attacks Mumbai news
२६/११ हल्ल्यातील प्रत्यक्षदर्शीच्या घराच्या मागणीबाबत संवेदनशीलता दाखवा; उच्च न्यायालयाने सरकारला फटकारले
allahbad highcourt on vyasji ka tehkhana
Gyanvapi Case : ‘व्यासजी का तहखाना’मधील पूजा थांबविण्याच्या मुलायम सरकारच्या आदेशाला न्यायालयाने बेकायदा का ठरवले?
Punishment of senior citizen doctor held responsible for patient death upheld  Mumbai
रुग्णाच्या मृत्युला जबाबदार ठरलेल्या ज्येष्ठ नागरिक डॉक्टरची शिक्षा कायम; मात्र वयामुळे शिक्षा भोगण्याचे आदेश देण्यास उच्च न्यायालयाचा नकार

११ ते १५ डिसेंबर २०१७ आणि १८ ते २२ डिसेंबर २०१७ या कालावधीत नागपूर अधिवेशनात असल्याची चुकीची माहिती तपास अधिकाऱ्यांनी दिली असून या कालावधीत मुंबईत मजुरी करत असल्याचा दावा दरेकर यांनी उच्च न्यायालयातील याचिकेत केला आहे.

कोणताही गैरव्यवहार करून पैसा मिळवलेला नाही. याउलट राज्य सरकारवर भ्रष्टाचाराचे आरोप करण्यापासून रोखण्यासाठी आपल्याविरोधात हा गुन्हा दाखल करण्यात आल्याचा दावाही दरेकर यांनी याचिकेत केला आहे.