मुंबई: बृहन्मुंबई महानगरपालिकेचा सन २०२३-२४ चे अर्थसंकल्प शनिवारी पालिका मुख्यालयात सादर होणार आहे. प्रशासकीय राजवटीतील हा अर्थसंकल्प कसा असेल, पालिकेची निवडणूक लवकरच अपेक्षित असल्यामुळे निवडणूकीच्या तोंडावर कोणत्या नवीन घोषणा होणार याबाबतही उत्सुकता आहे. यंदा अर्थसंकल्पाचे आकारमान पन्नास हजार कोटींच्या आसपास जाण्याची शक्यता आहे.

या बातमीसह सर्व प्रीमियम कंटेंट वाचण्यासाठी साइन-इन करा

सर्वात श्रीमंत महानगरपालिका असा नावलौकीक असलेल्या मुंबई महानगर पालिकेचा अर्थसंकल्प येत्या शनिवारी जाहीर होणार आहे. पालिका अधिनियमानुसार ५ फेब्रुवारीपर्यंत पालिकेचा अर्थसंकल्प सादर करावा लागतो. दरवर्षी पालिकेच्या नियमानुसार शिक्षण विभागासाठी स्वतंत्र अर्थसंकल्पा सादर केला जातो. त्यानंतर मुख्य अर्थसंकल्पाचे सादरीकरण होत असते. दरवर्षी अतिरिक्त आयुक्त हे शिक्षण समिती अध्यक्षांना शिक्षण अर्थसंकल्प सादर करतात.पालिका आयुक्त हे स्थायी समिती अध्यक्षांना अर्थसंकल्प सादर करतात. मात्र यंदा पालिकेची व नगरसेवकांची मुदत संपलेली असल्यामुळे व अद्याप निवडणूक झालेली नाही. त्यामुळे अर्थसंकल्प प्रशासकीय स्तरावरच सादर होणार आहे.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Bmc budget 2023 budget of mumbai municipal corporation tomorrow mumbai print news zws
First published on: 03-02-2023 at 02:36 IST