bmc chief ordered officials to not remove hoardings of maharashtra cm petitioner in bombay hc mumbai print news zws 70 | Loksatta

मुख्यमंत्र्यांना शुभेच्छा देणाऱ्या फलकांवर कारवाई नको ; पालिका आयुक्तांच्या आदेशांबाबत उच्च न्यायालयात तक्रार ; प्रतिज्ञापत्रावर म्हणणे मांडण्याचे न्यायालयाचे आदेश

मनोज शिरसाट यांनी एका वृत्तपत्रातील याबाबत प्रसिद्ध झालेले वृत्त न्यायालयाच्या निदर्शनास आणून दिले

मुख्यमंत्र्यांना शुभेच्छा देणाऱ्या फलकांवर कारवाई नको ; पालिका आयुक्तांच्या आदेशांबाबत उच्च न्यायालयात तक्रार ; प्रतिज्ञापत्रावर म्हणणे मांडण्याचे न्यायालयाचे आदेश
(संग्रहित छायाचित्र) इक्बालसिंह चहल

मुंबई : मुख्यमंत्री एकनाथ शिंदे यांना शुभेच्छा देणारे मुंबईत जागोजागी लावण्यात आलेले फलक काढू नयेत, अशा सूचना महानगरपालिका आयुक्त इक्बालसिंह चहल यांनी आपल्या अधिकाऱ्यांना दिल्याची बाब शुक्रवारी उच्च न्यायालयाच्या निदर्शनास आणून देण्यात आली.

बेकायदा फलकबाजीविरोधात दाखल याचिकांवरील सुनावणीच्या वेळी वकील मनोज शिरसाट यांनी एका वृत्तपत्रातील याबाबत प्रसिद्ध झालेले वृत्त न्यायालयाच्या निदर्शनास आणून दिले. यातील बरीचसे फलक बेकायदा लावण्यात आले असतील. त्यामुळे महानगरपालिका आयुक्त चहल अशा प्रकारचे आदेश कसे काय देऊ शकतात ? असा प्रश्न शिरसाट यांनी उपस्थित केला. त्यावरून सरकार आणि पालिका बेकायदा फलकबाजीच्या समस्येबाबत किती गंभीर आहे हेच दिसून येत असल्याकडेही त्यांनी न्यायालयाचे लक्ष वेधले.

त्यावर मुख्य न्यायमूर्ती दीपंकर दत्ता आणि न्यायमूर्ती मकरंद कर्णिक यांच्या खंडपीठाने आपण वृत्तपत्रातील वृत्ताच्या आधारे काहीच आदेश देऊ शकत नाही, असे स्पष्ट केले. तसेच शिरसाट यांनी त्यांचे म्हणणे प्रतिज्ञापत्राद्वारे मांडावे. त्यानंतर सरकारला त्यावर भूमिका स्पष्ट करण्यास सांगितली जाईल, असेही न्यायालयाने म्हटले.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
वाहतुकीचे नियम मोडणाऱयांप्रमाणे बेकायदा फलक लावणाऱयांनाही भरमसाट दंडांची तरतूद ?

संबंधित बातम्या

धारावीचं टेंडर विशिष्ट व्यक्तीला मिळावं म्हणून सीमावाद पुढे आणला जातोय का? शरद पवार म्हणाले…
खारमध्ये डिलिव्हरी बॉयकडून घरात घुसून महिलेचा विनयभंग, पीडिता म्हणाली, “त्याने माझे…”
आरोग्य विभागात १० हजार पदांची भरती
हार्बर, पश्चिम रेल्वे मार्गावर उद्या मेगा ब्लॉक; भायखळा-माटुंगादरम्यान आज रात्रकालीन ब्लॉक
गोवर लसीकरण मोहीम दोन टप्प्यांत

व्हिडिओ

ताज्या बातम्या
मतभेद बाजूला सारून लाडक्या लेकासाठी मलायका अरबाज आले एकत्र; नेटकरी म्हणाले…
पुणे : नवले पूल परिसरातील अपघात रोखण्यासाठी तात्पुरत्या उपाययोजना; प्रशासनाकडून आज प्रत्यक्ष पाहणी
अभिनेत्रींना मिळणाऱ्या कमी मानधनाबद्दल प्रियांका चोप्राने व्यक्त केली नाराजी; म्हणाली…
IND vs PAK: पाकिस्तान क्रिकेट संघाला मोठा धक्का, वर्ल्ड कपसाठी भारताने व्हिसा देण्यास दिला नकार
शिंदे सरकारला ‘नामर्द’ म्हणणाऱ्या राऊतांना शंभूराज देसाईंचा इशारा; म्हणाले, “तोंड आवरावं, अन्यथा पुन्हा…”