अंधश्रद्धा निर्मूलन समितीचे संस्थापक डॉ. नरेंद्र दाभोलकर यांच्या हत्या प्रकरणाच्या तपासात कमालीची दिरंगाई आणि चालढकल होत असल्याचे सांगत आज, शुक्रवारी मुंबई उच्च न्यायालयाने सीबीआयची चांगलीच खरडपट्टी काढली. डॉ. दाभोलकर आणि कॉम्रेड गोविंद पानसरे यांच्या कुटुंबीयांनी दाखल केलेल्या याचिकांवर न्या. एस. सी. धर्माधिकारी आणि बी. पी. कुलाबावाला यांच्या खंडपीठासमोर सुनावणी झाली. या हत्या प्रकरणात वापरण्यात आलेल्या हत्यारांचा तपासणी अहवाल अद्यापही स्कॉटलंड यार्डाकडून यायचा आहे, असे सीबीआयकडून सांगण्यात आल्यानंतर त्यावर न्यायालयाने तीव्र नाराजी व्यक्त केली.

या बातमीसह सर्व प्रीमियम कंटेंट वाचण्यासाठी साइन-इन करा

डॉ. दाभोलकर आणि कॉ. पानसरे यांच्या कुटुंबीयांनी दाखल केलेल्या याचिकांवर मुंबई उच्च न्यायालयात सुनावणी सुरू आहे. यावेळी हत्या प्रकरणांच्या तपासात होत असलेल्या विलंबाबद्दल न्यायालयाने सीबीआयचे चांगलेच कान उपटले. तपासातील दिरंगाईमुळे दोषींना त्याचा फायदा होईल आणि सीबीआयला या हत्या प्रकरणांच्या तपासाचं अजिबात गांभीर्य नाही, अशी प्रतिमा समाजात निर्माण होईल, अशा शब्दांत न्यायालयाने सीबीआयला सुनावले. तुम्ही केवळ चालढकल करत आहात. त्यामुळे तुमचीच विश्वसनीयता पणाला लागली आहे, असेही न्यायालयाने नमूद केले.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Bombay high court rebukes cbi says it is bungling up dabholkar case probe
First published on: 16-12-2016 at 17:54 IST