शिवसेना माजी खासदाराचा अटकपूर्व जामीन अर्ज हायकोर्टानं फेटाळला

मागील महिन्यात देखील फेटाळला होता अर्ज ; जाणून घ्या कोण आहे ती व्यक्ती, काय आहे प्रकरण

(संग्रहित प्रातिनिधिक छायाचित्र)

मुंबई उच्च न्यायालायने मनी लॉड्रिंग प्रकरणी शिवेसनेचे माजी खासदार आनंदराव अडसूळ यांचा अटकपूर्व जामीन अर्ज फेटाळला आहे. मागील महिन्यात देखील मुंबई उच्च न्यायालयाने आनंदराव अडसूळ यांचा अर्ज फेटाळला होता.

अंमलबजावणी संचालनालयाने (ईडी) घरावर छापे टाकल्यानंतर तसेच चौकशीसाठी बोलावल्यानंतर अटकेच्या भीतीने अडसूळ यांनी उच्च न्यायालयात धाव घेतली होती. त्यांनी ‘ईडी’चे समन्स रद्द करण्याची मागणीही केली होती. मात्र उच्च न्यायालयाने त्यांना कोणताही दिलासा देण्यास नकार दिला होता. तसेच अटक टाळायची असल्यास कनिष्ठ न्यायालयात दाद मागण्याची मुभा त्यांना दिली होती. त्यानुसार अडसूळ यांनी विशेष न्यायालयात अटकपूर्व जामिनासाठी अर्ज केला होता. विशेष न्यायालयाने त्यांच्या त्या अर्जावर निर्णय देताना अडसूळ यांना अटकेपासून अंतरिम दिलासा देण्यास नकार दिला होता.

अडसूळ हे बँकेचे माजी अध्यक्ष असून त्यांनी बँकेत ९८० कोटी रुपयांचा आर्थिक गैरव्यवहार केल्याचा आरोप आहे. मुंबई पोलिसांच्या आर्थिक गुन्हे शाखेने नोंदवलेल्या गुन्ह्य़ाच्या आधारे ‘ईडी’कडून या प्रकरणाची चौकशी केली जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bombay high court rejects the anticipatory bail plea filed by former shiv sena mp anandrao adsul msr

Next Story
मुलीची हत्या करून महिलेकडून अपहरणाचा बनाव ; काळाचौकी अपहरण प्रकरणाला नवे वळण
ताज्या बातम्या
फोटो गॅलरी