शीव रुग्णालयामध्येही बोन मॅरो प्रत्यारोपण शक्य

बालरोग रक्तदोष, कर्करोग आणि बोनमॅरो प्रत्यारोपणाची सुविधा सर्वसामान्यांना उपलब्ध व्हावी यासाठी मुंबई महानगरपालिकेने जून २०१८ पासून बोरिवली येथे बोनमॅरो प्रत्यारोपण केंद्र (बीएमटी) सुरू केले. या केंद्रात आतापर्यंत ३०० हून अधिक बोनमॅरो प्रत्योरोपण करण्यात आले आहेत. या केंद्रामध्ये प्रत्येक वर्षी शस्त्रक्रियांच्या संख्येत वाढ होत असून रुग्णांचा ओघ वाढत आहे. त्यामुळे आता ही सुविधा मुंबई महानगरपालिकांच्या महत्त्वाच्या रुग्णालयांमध्ये सुरू करण्याचा निर्णय प्रशासनाने घेतला आहे. त्यानुसार शीव रुग्णालयामध्ये हे केंद्र सुरू करण्यात येणार आहे.

आणखी वाचा

नाशिकमध्ये पर्यावरणस्नेही विसर्जनासाठी तयारी, कृत्रिम तलावांची व्यवस्था, पीओपी मूर्ती नदीपात्रात विसर्जित केल्यास कारवाई

ठाण्यातील वैद्यकीय महाविद्यालयातील संशोधनाची राष्ट्रीय पातळीवर निवड, शर्विन कार्व्हालो विद्यार्थ्यास संशोधनासाठी पाठ्यवृत्ती

नॅक मूल्यांकनातील अडचणी सोडवणे, प्रक्रियेच्या सुलभीकरणासाठी दोन समित्या

मुंबई: वांद्रे भाभा रुग्णालयाची रक्तपेढी रात्री बंद; रुग्णांचे हाल

हेही वाचा… दादरमधील १५ मजली इमारतीला आग; घुसमटल्यामुळे वृद्धाचा मृत्यू

मात्र हे केंद्र सुरू करण्यासाठी डॉक्टरांची आवश्यकता भासणार आहे. त्यासाठी रुग्णालयामध्ये बोनमॅरो प्रत्यारोपण संबंधित विशेषोपचार अभ्यासक्रम सुरू करण्यात येणार आहे. यामुळे रक्तदोष कर्करोगासारख्या रुग्णांवर उपचार करण्यासाठी डॉक्टर उपलब्ध होण्यास मदत होईल. हा अभ्यासक्रम शिकवण्यासाठी दोन प्राध्यापकांची नियुक्ती करण्यात आली आहे. त्यापैकी एक प्राध्यापक शीव रुग्णालयाचा माजी विद्यार्थी आहे.