मुंबई: केंद्रीय अन्वेषण विभागातील (सीबीआय) अधिकारी असल्याचे भासवून तोतयाने चेंबूर येथील अमर महल पुलावर बंदुकीच्या धाक दाखवून रोख रक्कम व कागदपत्रे असलेली बॅग लुटल्याचा प्रकार घडला. याप्रकरणी टिळक नगर पोलिसांनी दोन अज्ञात व्यक्तींविरोधात तोतयागिरी करणे, जबरी चोरी व भारतीय हत्यार कायद्याअंतर्गत गुन्हा दाखल केला आहे. याप्रकरणी टिळक नगर पोलिसांबरोबरच गुन्हे शाखाही समांतर तपास करीत आहे.

उद्योगपती धीरज वाधवान यांच्या कार्यालयात शिपाई म्हणून काम करणारा पंकज उमाशंकर सिंह (३५) आणि चालक विनोद मोरे कामानिमित्त मंगळवारी चर्चगेटला जात होते. त्यावेळी चेंबूर येथील अमर महल पुलावर एका होन्डा सिटी मोटरगाडीने त्यांचा रस्ता अडवला. त्यातून एक व्यक्ती बाहेर पडली. त्याने बंदुकीचा धाक दाखवून आपण सीबीआय अधिकारी असल्याचे सिंह यांना सांगितले. कारवाई करण्याचा धाक दाखवून त्याने विनोद मोरेचा मोबाइल काढून घेतला.

akola crime branch arrested inter state gang for breaking shop shutters and stealing goods
आता चोरांची शटर गँग; आंतरराज्य ‘शटर गँग’ अकोल्यात जेरबंद; महाराष्ट्रासह कर्नाटक, तेलंगणामध्ये…
pandit hridaynath Mangeshkar
हृदयनाथ मंगेशकर आकाशवाणीच्या नोकरीत खरंच होते का? कधी?
meghwadi police arrested accused with two pistols live cartridges and 10 lakh
दोन पिस्तुल आणि १० लाख रुपयांच्या रोख रकमेसह सराईत आरोपीला अटक
pune gun news
पुणे : सराईताकडून पिस्तूल, जिवंत काडतूस विकत घेणाऱ्या दोघांना अटक
pune koyta attack news
पुणे : बिबवेवाडीत तोडफोड करणाऱ्या आरोपीविरुद्ध आणखी एक गु्न्हा, तरुणावर कोयत्याने वार
vasai virar gold loksatta news
वसई : पोलिसांच्या तपासावर सराफाचे प्रश्नचिन्ह, लुटीतील उर्वरित ६०० ग्रॅम सोने गेले कुठे?
badlapur encounter case all four accused policemen move bombay high court
बदलापूर चकमक प्रकरण : ठपका ठेवलेल्या चारही पोलिसांची उच्च न्यायालयात धाव, दंडाधिकाऱ्यांच्या चौकशी अहवालाची प्रत देण्याची, म्हणणे ऐकण्याची मागणी
Suresh Dhas On Santosh Deshmukh Case
Suresh Dhas : ‘४६ कोटींची बिलं, अवैध राखेचे साठे, एका पोलिसाकडे १५ जेसीबी अन् १०० हायवा’, सुरेश धस यांचे गंभीर आरोप

हेही वाचा… शालेय स्तरावर ‘कोचिंग सेंटर’ बंद! केंद्र सरकारच्या नियमावलीमध्ये महत्त्वाची तरतूद 

सिंह यांचे दोन मोबाइलही त्याने काढून घेतले. त्यानंतर सिंह यांच्याकडील रोख दीड लाख रुपये असलेली बॅगही घेतली. याशिवाय अन्य एक निळ्या रंगाची बॅगही घेतली. त्या बॅगेत तक्रारदाराचे पाकिट, धीरज वाधवान यांची न्यायालयीन कागदपत्रे, त्यांच्या मुलीचे म्युच्युअल फंडची कागदपत्रे होती. तक्रारीनुसार एकूण दोन लाख ९ हजार रुपयांचा मुद्देमाल आरोपीने सीबीआय अधिकारी असल्याचे सांगून बंदुकीच्या धाकावर हिसकावून नेला. सुरुवातीला तक्रारदारांना ती सीबीआयची कारवाई असल्याचे वाटले. पण तपासणीत ती व्यक्ती तोतया असल्याचे निष्पन्न झाले. त्यानंतर सिंह याने बुधवारी टिळक नगर पोलीस ठाण्यात याप्रकरणी तक्रार केली. पोलिसांनी तोतयागिरी करणे, जबरी चोरी व भारतीय हत्यार कायद्याअंतर्गत दोन अनोळखी व्यक्तींविरोधात गुन्हा दाखल केला आहे.

आरोपींनी वापरलेल्या मोटरगाडीची माहिती पोलिसांना मिळाली आहे. याशिवाय एका व्यक्तीने बंदुकीचा धाक दाखवून सिंह व मोरे यांना लुटले. त्यावेळी दुसरा व्यक्ती मोटरगाडीमध्ये बसली होती, अशी माहिती तक्रारदाराने पोलिसांना दिली. याप्रकरणी टिळक नगर पोलिसांबरोबर गुन्हे शाखाही समांतर तपास करीत आहे.

Story img Loader