मध्य रेल्वेवरून धावणार १८६ विशेष रेल्वेगाड्या, ९४ होळी विशेष आणि ९२ अतिरिक्त विशेष रेल्वेगाड्या

मध्य रेल्वेवरील प्रवाशांची अतिरिक्त गर्दी लक्षात घेऊन मुंबई ते नागपूर/सावंतवाडी रोड / बनारस /गोरखपूर / समस्तीपूर /दानापूर तसेच पुणे ते नागपूर /हजरत निजामुद्दीन / दानापूर दरम्यान एकूण १८६ विशेष गाड्या चालविण्यात येणार आहेत.

Holi Special Trains 2026 list, Central Railway 186 special trains, Mumbai Sawantwadi special train schedule, Pune Nagpur special trains 2026, Mumbai Gorakhpur special train,

मध्य रेल्वेवरून धावणार १८६ विशेष रेल्वेगाड्या, ९४ होळी विशेष आणि ९२ अतिरिक्त विशेष रेल्वेगाड्या (प्रातिनिधिक छायाचित्र)

मुंबई : मध्य रेल्वेवरील प्रवाशांची अतिरिक्त गर्दी लक्षात घेऊन मुंबई ते नागपूर/सावंतवाडी रोड / बनारस /गोरखपूर / समस्तीपूर /दानापूर तसेच पुणे ते नागपूर /हजरत निजामुद्दीन / दानापूर दरम्यान एकूण १८६ विशेष गाड्या चालविण्यात येणार आहेत. त्यात ९४ होळी विशेष आणि ९२ अतिरिक्त विशेष रेल्वेगाड्यांचा समावेश आहे.

मध्य रेल्वेने दिलेल्या माहितीनुसार, सीएसएमटी-नागपूर-सीएसएमटी द्वि-साप्ताहिक विशेष रेल्वेगाडीच्या १० फेऱ्या धावतील. गाडी क्रमांक ०२१४१ द्वि-साप्ताहिक विशेष सीएसएमटी येथून २२ फेब्रुवारी ते ८ मार्चपर्यंत दर रविवार व मंगळवारी रात्री १२.२० वाजता सुटेल व नागपूर येथे दुपारी ३.१० वाजता पोहोचेल. गाडी क्रमांक ०२१४२ नागपूर येथून २२ फेब्रुवारी ते ८ मार्चपर्यंत दर रविवार व मंगळवारी रात्री ८ वाजता सुटेल आणि सीएसएमटी येथे दुसऱ्या दिवशी दुपारी १.३० वाजता पोहोचेल. या रेल्वेगाडीला दादर, ठाणे, कल्याण, नाशिक रोड, मनमाड, जळगाव, भुसावळ, मलकापूर, शेगाव, अकोला, मूर्तिजापूर, बडनेरा, धामणगाव व वर्धा येथे थांबे देण्यात येतील.

सीएसएमटी-सावंतवाडी रोड-सीएसएमटी साप्ताहिक विशेष रेल्वेगाडीच्या चार फेऱ्या धावतील. गाडी क्रमांक ०११७१ सीएसएमटी येथून २६ फेब्रुवारी ते ५ मार्च रोजी दर गुरुवारी रात्री १२.२० वाजता सुटेल आणि सावंतवाडी रोड येथे दुपारी १२.३० वाजता पोहोचेल. गाडी क्रमांक ०११७२ सावंतवाडी रोड येथून २६ फेब्रुवारी ते ५ मार्च रोजी दर गुरुवारी सायंकाळी ५.२० वाजता सुटेल आणि सीएसएमटी येथे दुसऱ्या दिवशी रात्री ३.४५ वाजता पोहोचेल. या रेल्वेगाडीला दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, अडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग व कुडाळ येथे थांबा असेल.

हेही वाचा

Mumbai Hit-and-Run Case : मुंबईत कारच्या धडकेत तरुणाचा मृत्यू, पत्नी गंभीर… अल्पवयीन चालकाला १२वीच्या परीक्षेसाठी जामीन मंजूर

एलटीटी-सावंतवाडी रोड-एलटीटी साप्ताहिक विशेष रेल्वेगाडीच्या ४ फेऱ्या धावतील. गाडी क्रमांक ०१११९ एलटीटी येथून २६ फेब्रुवारी ते ५ मार्च रोजी दर गुरुवारी रात्री १०.१५ वाजता सुटेल आणि सावंतवाडी रोड येथे दुसऱ्या दिवशी सकाळी ९.३० वाजता पोहचेल. गाडी क्रमांक ०११२० सावंतवाडी रोड येथून दर शुक्रवारी सायंकाळी ५.२० वाजता सुटेल आणि एलटीटी येथे दुसऱ्या दिवशी पहाटे ४.०५ वाजता पोहचेल. या रेल्वेगाडीला ठाणे, पनवेल, पेण, रोहा, माणगाव, वीर, खेड, चिपळूण, संगमेश्वर रोड, रत्नागिरी, अडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग व कुडाळ येथे थांबा असेल.

हेही वाचा

सीबीएसईची दहावी, बारावीच्य परीक्षा १७ फेब्रुवारीपासून अफवा आणि बनावट प्रश्नपत्रिकांपासून सावध राहण्याचे आवाहन

सीएसएमटी-गोरखपूर-सीएसएमटी दैनिक विशेष रेल्वेगाडीच्या ३२ फेऱ्या, एलटीटी-बनारस-एलटीटी द्विसाप्ताहिक विशेष रेल्वेगाडीच्या आठ फेऱ्या, एलटीटी-समस्तीपूर-एलटीटी साप्ताहिक विशेष रेल्वेगाडीच्या ४ फेऱ्या, एलटीटी-दानापूर-एलटीटी दैनिक विशेष रेल्वेगाडीच्या ३२ फेऱ्या, पुणे-नागपूर-पुणे साप्ताहिक विशेष रेल्वेगाडीच्या चार फेऱ्या धावतील. पुणे-नागपूर-पुणे साप्ताहिक विशेष रेल्वेगाडीच्या चार फेऱ्या धावतील. पुणे-दानापूर-पुणे द्वि-साप्ताहिक विशेष रेल्वेगाडीच्या आठ फेऱ्या धावतील. पुणे-दानापूर-पुणे दैनिक विशेष रेल्वेगाडीच्या ३२ फेऱ्या धावतील. पुणे-गाझीपूर शहर-पुणे द्वि-साप्ताहिक विशेष रेल्वेगाडीच्या आठ फेऱ्या धावतील. पुणे-गोरखपूर-पुणे दैनिक विशेष रेल्वेगाडीच्या ३२ फेऱ्या धावतील. पुणे-हजरत निजामुद्दीन-पुणे साप्ताहिक विशेष रेल्वेगाडीच्या चार फेऱ्या धावतील.

TOPICSमध्य रेल्वे Central Railway

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Central railway 186 special trains holi 2026 mumbai pune nagpur sawantwadi list mumbai print news ssb