मुलुंडमध्ये ऍसिटिक ऍसिडचा टँकर झाडाच्या कट्ट्यात अडकला; कोणतीही गळती नाही

वाहन मागे घेत असताना ऍसिटिक ऍसिडचा टँकर झाडाच्या कट्ट्यात अडकला होता. टँकरमधून कोणत्याही प्रकारची ऍसिड गळती झाल्याचे आढळून आले नाही. खबरदारीचा उपाय म्हणून बचावकार्य हाती घेण्यात आले. हायड्रा मशीनच्या सहाय्याने टँकर यशस्वीरीत्या बाहेर काढण्यात आला.

बचावकार्य पूर्ण झाल्यानंतर संबंधित टँकर तसेच त्यातील ऍसिड दुसऱ्या टँकरमध्ये उतरविण्यात आले. दोन्ही टँकर बीपीसीएलच्या ठिकाणी हलविण्यात आले. बाधित रस्त्याचा भाग पाण्याचा उच्च दाबाचा फवारा मारून धुवून स्वच्छ करण्यात आला. त्यानंतर वाहतूक पूर्ववत करण्यात आली असून परिसरातील परिस्थिती सामान्य आहे. या घटनेत कोणालाही दुखापत झालेली नाही. घटनास्थळी ऍसिडची कोणतीही गळती झाली नसल्याने मोठा धोका टळला.