scorecardresearch

बांधकाम क्षेत्राला चालना देण्यासाठी लवकरच सवलती; उपमुख्यमंत्री देवेंद्र फडणवीस यांची ग्वाही

सर्वाधिक २० टक्के रोजगार देणाऱ्या बांधकाम क्षेत्राला चालना देण्यासाठी काही सवलती देण्याचा विचार सुरू असून राज्य सरकार लवकरच याबाबतचा ठोस निर्णय घेईल, अशी माहिती उपमुख्यमंत्री देवेंद्र फडणवीस यांनी दिली.

बांधकाम क्षेत्राला चालना देण्यासाठी लवकरच सवलती; उपमुख्यमंत्री देवेंद्र फडणवीस यांची ग्वाही
उपमुख्यमंत्री देवेंद्र फडणवीस (संग्रहित छायाचित्र)

मुंबई : सर्वाधिक २० टक्के रोजगार देणाऱ्या बांधकाम क्षेत्राला चालना देण्यासाठी काही सवलती देण्याचा विचार सुरू असून राज्य सरकार लवकरच याबाबतचा ठोस निर्णय घेईल, अशी माहिती उपमुख्यमंत्री देवेंद्र फडणवीस यांनी दिली. नॅशनल रिअल इस्टेट डेव्हलपमेंट कौन्सिलच्या (‘नरेडको’) ‘होमथॉन प्रॉपर्टी एक्स्पो २०२२’ या मालमत्ताविषयक प्रदर्शनाच्या उद्घाटन समारंभात ते बोलत होते.

 मुंबईच्या विकासाच्या दृष्टीने मेट्रो, मुंबई पारबंदर प्रकल्प, सागरी मार्ग असे अनेक प्रकल्प राबविले जात आहेत. पुढील वर्षी मेट्रो प्रकल्पातील काही मेट्रो मार्गिका सुरू होतील. तर मुंबई पारबंदरसह इतरही प्रकल्प सुरू होतील, असेही उपमुख्यमंत्र्यांनी यावेळी सांगितले. नवी मुंबईत ‘नैना’ प्रकल्प सुरू असून या प्रकल्पामुळे नवी मुंबई व परिसराचा सर्वागीण विकास होणार आहे. तिसरी मुंबई म्हणून हा परिसर ओळखला जाईल. महत्त्वाचे म्हणजे या प्रकल्पामुळे येथील मालमत्तांच्या किमती कमी होतील, असा विश्वासही उपमुख्यमंत्र्यांनी व्यक्त केला.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या