मुंबई : वायव्य लोकसभा मतदारसंघाच्या निकालाबाबत एकीकडे उद्धव ठाकरे गटातर्फे संशय व्यक्त केला गेला असून याप्रकरणी न्यायालयात जाण्याचा इशारा दिला आहे. त्याचवेळी, लोकसभा निवडणूक मतमोजणीच्या दिवशी ठाकरे गटाचे विधान परिषद आमदार विलास पोतनीस यांनी शस्त्रधारी पोलीस अंगरक्षकासह मतमोजणी केंद्रात प्रवेश केल्याच्या आरोपाप्रकरणी रविवारी रात्री उशिरा वनराई पोलिसांनी गुन्हा दाखल केला. त्यामुळे, दोन्ही शिवसेनेतील या वादाला आणखी नवे वळण मिळाले आहे.

मुंबई वायव्य लोकसभा मतदार संघात महायुतीकडून रवींद्र वायकर यांनी, तर महाविकास आघाडीकडून अमोल कीर्तिकर यांनी लोकसभेची निवडणूक लढवली. गोरेगाव येथील नेस्को केंद्र येथे ४ जून रोजी या लोकसभा मतदारसंघाची मतमोजणी पार पडली. मात्र, बऱ्याच नाट्यमय घडामोडीनंतर अखेर वायकर यांना ४८ मतांच्या आघाडीने वियजी घोषित करण्यात आले. त्यानंतर, या मतदारसंघातील निकालाबाबत चर्चा सुरू झाल्या होत्या. त्यातच, ठाकरे गटाने मतदानयंत्राशी छेडछाड केल्याचा आरोप करून वायकर यांना विजयी घोषित करण्याबाबत संशय व्यक्त केला.

Claim of Rohit Pawar of Sharad Pawar group regarding MLAs of Ajit Pawar group
अजित पवार गटातील आमदारांची ‘घरवापसी’; शरद पवार गटाचे रोहित पवार यांचा दावा
South African fans object to Surya's catch
सूर्यकुमार यादवच्या ‘कॅच’वरुन पेटला नवा वाद, दक्षिण आफ्रिकन चाहत्याने VIDEO शेअर करत केला फसवणूक झाल्याचा दावा
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
Milind Narvekar, Legislative Council,
मिलिंद नार्वेकर ‘खेळ’ करणार ?
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…
pooja khedkar ias mother manorama khedkar viral video
आता IAS पूजा खेडकर यांच्या आई मनोरमा चर्चेत; गावकऱ्यांना पिस्तुल दाखवून धमकावतानाचा Video व्हायरल!
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”

हेही वाचा >>>ठाकरे गटाच्या आमदारावर गुन्हा; मतमोजणी केंद्रात शस्त्रधारी पोलीस अंगरक्षकासह प्रवेश केल्याचा आरोप

दुसरीकडे, निवडणूक नियमांचे ठाकरे गटाकडून उल्लंघन झाल्याचा दावा वायकर यांनी केला. निवडणूक निर्णय अधिकाऱ्यांमार्फत अधिकृत ओळखपत्र देण्यात आलेल्यांनाच मतदानाच्या दिवशी मतमोजणी केंद्रात प्रवेश देण्यात येत होता. मात्र, मतमोजणी प्रक्रिया सुरू असताना पोतनीस यांनी वर्दीतील अंगरक्षकासह मतमोजणी केंद्रात सायंकाळी चार ते रात्री ८ या वेळेत प्रवेश केला. कीर्तिकर यांनीही मतमोजणी केंद्रात प्रेवश केला होता. याबाबत आपण निवडणूक अधिकाऱ्यांकडे तक्रार केली होती, असा दावा वायकर यांनी केला.

निवडणूक आयोगाच्या नियमानुसार, निवडणूक निर्णय अधिकाऱ्यांनी दिलेले प्रवेशाचे ओळखपत्र नसलेल्या व्यक्तींना मतमोजणी केंद्रात प्रवेश देण्यात येत नाही. असे असताना आणि तसे स्पष्ट आदेश असतानाही कीर्तिकर आणि पोतनीस यांनी निवडणूक आयोगाच्या नियमावलीचा भंग करून मतमोजणी केंद्रात प्रवेश केला. या प्रकरणाची सखोल चौकशी करण्याची मागणी वायकर यांनी केली.