मुंबई : मुंबईत बुधवारपासून पावसाने हजेरी लावली असली तरी मुंबईकरांना पाणीपुरवठा करणाऱ्या धरणांमध्ये अद्यापही समाधानकारक पाऊस पडलेला नाही. या सातही धरणांमध्ये एकूण ५.३२ टक्के इतकाच पाणीसाठा शिल्लक आहे. धरण क्षेत्रात पावसाने ओढ दिल्यास मुंबईकरांना तीव्र पाणीटंचाईचा सामना करावा लागण्याची शक्यता नाकारता येत नाही. गुरुवारी पहाटेपर्यंत सातही धरणांमध्ये केवळ १६२ मिमी पावसाची नोंद झाली झाली.

धरणांतील उपलब्ध पाणीसाठा काटकसरीने वापरावा यासाठी महानगरपालिका प्रशासनाने ५ जूनपासून दहा टक्के पाणीकपात लागू केली आहे. मुंबई महानगरपालिकेतर्फे पाणीपुरवठा करण्यात येणाऱ्या ठाणे, भिवंडी – निजामपूर महानगरपालिका व आसपासच्या गावांनाही ही पाणीकपात लागू करण्यात आली आहे. समाधानककारक पर्जन्यमान होऊन धरणांतील उपयुक्त साठ्यामध्ये सुधारणा होईपर्यंत ही पाणीकपात कायम ठेवण्याचा निर्णय पालिकेने घेतला आहे. मुंबईला ऊर्ध्व वैतरणा, मोडकसागर, तानसा, मध्य वैतरणा, भातसा, विहार, तुळशी या सात धरणांमधून दरदिवशी ३८०० दशलक्ष लिटर इतका पाणीपुरवठा केला जातो. हवामान विभागाने यंदा समाधानकारक पावसाचा अंदाज वर्तविल्याने मुंबईकरांना मोठा दिलासा मिळाला होता. मात्र, प्रत्यक्षात पावसाची स्थिती समाधानकारक नसल्याने मुंबईकरांच्या पाणीचिंतेत वाढ होत आहे. जून महिन्यातील पहिला पंधरवडा सरल्यानंतरही धरणांमध्ये समाधानकारक पाऊस पडलेला नाही. सातही धरणांमध्ये आता केवळ ५.३२ टक्के पाणीसाठा शिल्लक आहे.

Mumbai has recorded over 300 mm rainfall in six hours
मुंबईत सहा तासांत ३०० मिमी पावसाची नोंद, ‘कोसळधारां’मुळे मायानगरीचा वेग मंदावला
Legislation pending on bogus pesticides seeds Allegation of farmers organizations
बोगस कीटकनाशके, बियाणांबाबत कायदे प्रलंबित, कंपन्या-सरकारचे साटेलोटे; शेतकरी संघटनांचा आरोप
South African fans object to Surya's catch
सूर्यकुमार यादवच्या ‘कॅच’वरुन पेटला नवा वाद, दक्षिण आफ्रिकन चाहत्याने VIDEO शेअर करत केला फसवणूक झाल्याचा दावा
Rohit Sharma Stump Mic Upar Dega to Deta hai na Said to Suryakumar Yadav And Hits Six
IND vs ENG: “उपर डाला तो देता हूं ना…” हिटमॅन शब्दाचा पक्का, रोहितने सूर्याला सांगून लगावला दणदणीत षटकार; VIDEO व्हायरल
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Mumbai, dam storage,
मुंबई : धरणसाठ्यात वाढ, पाणीसाठा १८ टक्क्यांवर
Jay Shah on Rohit Sharma captaincy
टी-२०तून निवृत्ती घेतल्यानंतर रोहित शर्माच्या कर्णधारपदाबाबत जय शाह यांची मोठी घोषणा; म्हणाले, “यापुढे तो…”
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली

हेही वाचा…मुंबईकर साथीच्या आजाराने त्रस्त, स्वाईन फ्लूच्या रुग्णांमध्ये वाढ

मुंबई महानगरपालिकेकडून उपलब्ध झालेल्या आकडेवारीनुसार गुरुवारी सकाळी ६ वाजेपर्यंत ऊर्ध्व वैतरणामध्ये १० मिमी, मोडकसागरमध्ये २३ मिमी, तानसामध्ये ३८ मिमी, मध्य वैतरणामध्ये १८ मिमी, भातसामध्ये १० मिमी, विहारमध्ये १५ मिमी, तुळशीमध्ये ४९ मिमी पावसाची नोंद झाली. गेल्या वर्षी २० जून रोजी सकाळी ६ वाजेपर्यंत तानसा जलाशय वगळता इतर धरणांमध्ये पाऊस पडला नव्हता. तानसामध्ये केवळ १ मिमी पाऊस पडला होता. मात्र, सातही धरणांची पाणीपातळी यंदाच्या तुलनेत अधिक होती. त्यामुळे आजघडीला धरण क्षेत्रात चांगला पाऊस होणे गरजेचे आहे. सातही धरणांची मूळ पाणी साठवण क्षमता १४ लाख ४७ हजार ३६३ असून आता धरणांत केवळ ७७ हजार ०५२ दशलक्ष लिटर इतकेच पाणी शिल्लक आहे.

मुंबईत पावसाची रिपरिप सुरू असली तरीही धरण क्षेत्रात अद्याप पावसाने जोर धरलेला नाही. त्यातच सातत्याने खालावत चाललेल्या धरणांतील पाणीसाठ्यामुळे मुंबईकरांच्या चिंतेत वाढ झाली आहे. राज्य सरकारच्या परवानगीनुसार, आता भातसा आणि ऊर्ध्व वैतरणा धरणातील राखीव पाणीसाठ्याने मुंबईकरांची तहान भागविली जात आहे.

हेही वाचा…ठाणे, पालघर जिल्ह्याला अतिमुसळधार पावसाचा इशारा

२० जून रोजीचा पाणीपुरवठा (दशलक्ष लिटरमध्ये)

२०२४ – ७७,०५२

२०२३ – १,११,६७४
२०२२ – १,५१,२३८