‘इमर्जन्सी’ला सेन्सॉर बोर्डाचे प्रमाणपत्र मिळण्याचा वाद उच्च न्यायालयात

मुंबई : माजी पंतप्रधान इंदिरा गांधी यांच्या आयुष्यावर आधारित आणि कंगना राणावत अभिनित ‘इमर्जन्सी’ या चित्रपटाला सेन्सॉर बोर्डाचे प्रमाणपत्र मिळावे यासाठी झी एंटरटेनमेंट एंटरप्रायझेस लिमिटेडने मंगळवारी उच्च न्यायालयात धाव घेतली. कंपनीच्या याचिकेवर बुधवारी तातडीची सुनावणी होणार आहे.

आणखी वाचा

‘इमर्जन्सी’ चित्रपट पुढील महिन्यात प्रदर्शित होणार; निर्माते- सेन्सॉर मंडळातील तडजोडीनंतर प्रकरण उच्च न्यायालयाकडून निकाली

अंकिताचा ‘कोकण हार्टेड बॉय’ कोण आहे? कोकणात करणार…

‘इमर्जन्सी’ चित्रपटातील दृश्यांना कात्री लावण्यास सहनिर्माती कंगना राणावत तयार, सेन्सॉर मंडळाची उच्च न्यायालयात माहिती

इमर्जन्सी’तील काही दृश्यांना कात्री लावल्यास प्रदर्शनाला हिरवा कंदील; सेन्सॉर मंडळाची उच्च न्यायालयात भूमिका

सिद्धरामय्यांची लोकायुक्त पोलिसांकडून चौकशी; विशेष न्यायालयाचा निर्णय, गुन्हा दाखल होणार

“हेच ते कलियुग…”, ८० वर्षांच्या पतीकडून पोटगी मागितल्यानंतर उच्च न्यायालयाची प्रतिक्रिया

देशातील नागरिक मूर्ख वाटतात का ? ‘इमर्जन्सी’ चित्रपटाच्या प्रदर्शन प्रमाणपत्रावरून उच्च न्यायालयाची सेन्सॉर मंडळाला विचारणा

“CBI ची तुलना पिंजऱ्यातल्या पोपटाशी…”, सर्वोच्च न्यायालयाच्या न्यायमूर्तींनी पुन्हा केली ‘त्या’ उक्तीची आठवण; नेमकं काय घडलं होतं तेव्हा?

सेन्सॉर बोर्डाने बेकायदेशीररीत्या आणि मनमानी पद्धतीने चित्रपटाचे प्रमाणपत्र रोखले आहे, असा दावा कंपनीने याचिकेत केला आहे. चित्रपट ६ सप्टेंबर रोजी प्रदर्शित होणार आहे. मात्र, परंतु सेन्सॉर बोर्डाकडून चित्रपटाला अद्याप प्रमाणपत्र मिळालेले नाही. त्यामुळे, चित्रपटाला प्रमाणपत्र मिळण्यासाठी आणि चित्रपटाच्या प्रदर्शनाचा मार्ग मोकळा होण्यासाठी कंपनीने उच्च न्यायालयात धाव घेतली आहे. न्यायमूर्ती बर्गिस कुलाबावाला आणि न्यायमूर्ती फिरदोश पुनीवाला यांच्या खंडपीठासमोर कंपनीतर्फे याचिका सादर करण्यात आली.

आणखी वाचा-वायनाडच्या भूस्खलनामुळे सणासुदीला ‘श्रीफळ’ महाग

तसेच, याचिकेवर तातडीने सुनावणी घेण्याची मागणी करण्यात आली. न्यायालयानेही कंपनीची बाजू मान्य करून याचिकेवरील सुनावणी बुधवारी ठेवली आहे. दरम्यान, चित्रपटाच्या प्रदर्शनाला विलंब करण्यासाठी सेन्सॉर बोर्डाने प्रमाणपत्र रोखल्याचा आरोप कंगना हिने सोमवारी केला होता.