Mumbai News Updates : मिठी नदी गाळ गैरव्यवहाराप्रकरणी ईडीकडून १५ हून अधिक ठिकाणी छापे

ठाणे : भिवंडी येथील ताडाळी भागात मंजू सहानी (३३) हिची तिच्या पतीने हत्या केल्याचा प्रकार उघडकीस आला आहे. याप्रकरणी श्रवणकुमार याच्याविरोधात नारपोली पोलीस ठाण्यात गुन्हा दाखल झाला असून पोलीस त्याचा शोध घेत आहेत.

ताडाळी येथील जुना जकात नाका परिसरात मंजू ही तिचा पती श्रवणकुमार आणि आठ वर्षीय मुलासोबत राहत होती. मंगळवारपासून त्यांच्या घरातून कोणीही बाहेर पडत नव्हते. त्यामुळे दुसऱ्या दिवशी याबाबतची माहिती घरमालकाला मिळाल्यानंतर त्यांनी घरात जाऊन पाहिले. त्यावेळी मंजू हिचा मृतदेह आढळून आला. याबाबतची माहिती त्यांनी पोलिसांना दिली. घर मालकाने दिलेल्या तक्रारीच्या आधारे श्रवणकुमार याच्याविरोधात नारपोली पोलीस ठाण्यात गुन्हा दाखल झाला असून पोलीस त्याचा शोध घेत आहेत.