scorecardresearch

मुंबईत नोव्हेंबरमध्ये साडेआठ हजार घरांची विक्री

नोव्हेंबरमध्ये मुंबईत आठ हजार ६२७ घरांची विक्री झाली असून घरविक्रीतून राज्य सरकारला ६६१ कोटी रुपये महसूल मिळाला आहे.

मुंबईत नोव्हेंबरमध्ये साडेआठ हजार घरांची विक्री
संग्रहित छायाचित्र

मुंबई: मुंबईतील घरविक्रीत ऑक्टोबरच्या तुलनेत नोव्हेंबरमध्ये काहीशी वाढ झाली आहे. नोव्हेंबरमध्ये मुंबईत आठ हजार ६२७ घरांची विक्री झाली असून घरविक्रीतून राज्य सरकारला ६६१ कोटी रुपये महसूल मिळाला आहे. नोंदणी व मुद्रांक विभागाच्या आकडेवारीनुसार, २०२२ मध्ये घरविक्रीत चढ-उतार होत होता. यादरम्यान आठ ते १२ हजारांदरम्यान घरविक्री झाली होती. केवळ  मार्चमधील घरविक्रीचा अपवाद होता. मार्चमध्ये सर्वाधिक विक्रमी अशी घरविक्री झाली होती. या महिन्यात तब्बल १६ हजारांहून अधिक घरे विकली गेली होती.

हेही वाचा >>> मुंबई: बदलेल्या राजकारणामुळे अटक; संजय राऊत यांचा उच्च न्यायालयात दावा

आतापर्यंतची ही सर्वाधिक घरविक्री आहे. आता वर्षाच्या शेवटच्या महिन्यात, डिसेंबरमध्ये घरविक्री स्थिर असेल का, विक्रमी घरविक्री होईल का याकडे बांधकाम क्षेत्राचे लक्ष लागले आहे. दरम्यान, जानेवारी, मे, जून, ऑगस्ट आणि ऑक्टोबरप्रमाणे नोव्हेंबरमध्येही घरविक्री १० हजाराचा पल्ला गाठू शकलेली नाही. नोव्हेंबरमध्ये मुंबईत आठ हजार ६२७ घरांची विक्री झाली असून यातून राज्य सरकारला ६६१ कोटी रुपये महसूल मिळाला आहे. नोव्हेंबरमधील नोंदणीचा आजचा शेवटचा दिवस असून रात्री उशिरापर्यंत ही आकडेवारी वाढण्याची शक्यता आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-11-2022 at 11:29 IST

संबंधित बातम्या