मुंबई उच्च न्यायालयाने दसरा मेळाव्यासाठी शिवसेना पक्षप्रमुख उद्धव ठाकरेंच्या गटाला परवानगी दिल्यानंतर शिंदे गटाकडून पहिली प्रतिक्रिया समोर आली आहे. शिंदे गटातील आमदार आणि मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस यांच्या नेतृत्वाखालील सरकारमध्ये मंत्री असणाऱ्या दादा भुसे यांनी या निकालासंदर्भात बोलताना मुख्यमंत्री शिंदेंच्या निर्णयानुसार आम्ही मेळावा कुठे घ्यायचा हे निश्चित करु असं म्हटलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

मुंबई उच्च न्यायालयाच्या निर्णयासंदर्भात भुसे यांना विचारण्यात आलं असता त्यांनी, “असा निर्णय न्यायालयाने केला असेल तर आपण त्याच्या अंमलबजावणीचं काम करतो. तो तपासून पाहिला जाईल आणि त्यानुसार मार्गक्रमण करु,” असं उत्तर दिलं आहे. टीव्ही ९ मराठीशी बोलताना याच याचिकेबरोबरच शिंदे गटाचे आमदार सदा सरवणकरांची याचिका फेटाळण्यात आल्याने हा मोठा फटका मानला जात असल्याचा प्रश्न भुसे यांना विचारण्यात आला. त्यावर उत्तर देताना भुसे यांनी, “फटका वगैरे काही नसतं. न्यायालयात दाद मागणं लोकशाहीत अभिप्रेत आहे. न्यायालयाला जे योग्य वाटलं ते निर्णय करत असतं,” असं म्हटलं आहे.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Eknath shinde group first comment as bombay high court allows uddhav thackeray led shivsena to hold dussehra rally at shivaji park scsg
First published on: 23-09-2022 at 17:09 IST