मुंबई: राज्यातील अस्थिर राजकीय परिस्थितीचा स्थानिक स्वराज्य संस्थाप्रमाणेच सहकारी संस्थांनाही मोठा फटका बसू लागला आहे. राज्य सरकारच्या सततच्या हस्तक्षेपामुळे राज्यातील सुमारे ३९ हजार सहकारी संस्थांच्या निवडणुका गेल्या वर्ष-दीड वर्षापासून रखडल्या आहेत.

आधी लोकसभा निवडणुकीचे कारण पुढे करीत या निवडणुकांना स्थगिती देणाऱ्या राज्य सरकारने पुन्हा पावसाचे कारण पुढे करीत या निवडणुकांना ३० सप्टेंबरपर्यंत स्थगिती दिली आहे. त्यामुळे या संस्थांच्या निवडणुका आता विधानसभा निवडणुकीनंतरच म्हणजेच पुढील वर्षी होण्याची शक्यता सहकार विभागातील सूत्रांनी व्यक्त केली आहे.

It has been two years since the split in Shiv Sena
शिवसेनेतील फुटीला दोन वर्षे पूर्ण; निवडणुकीत ठाकरे गट वरचढ
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
ganesh naik waiting for about two and a half hours to meet minister uday samant
गणेश नाईक अडीच तास ताटकळत; मुख्यमंत्र्यांच्या खात्यावर गंभीर आरोपांनंतर सामंतांशी चर्चेसाठी प्रतीक्षा
NCP MLA Rohit Pawar
“दोन दिवस थांबा, राज्याला हादरवून सोडणारा खुलासा…”, रोहित पवार यांचं मोठं विधान
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
UP Hathras Stampede News in Marathi
Hathras Stampede : “गर्दी आणि देणगी जमवण्याकरता…”, अटक केलेल्या सेवेकऱ्यांची पोलिसांच्या चौकशीत धक्कादायक माहिती!

राज्यात ३१ डिसेंबर २०२३ अखेर निवडणुकीस पात्र असलेल्या ९३,३४२ सहकारी संस्थांपैकी ५०,२३८ संस्थांची निवडणूक पूर्ण झाली आहे. तर निवडणूक प्रक्रिया सुरू असलेल्या सहकारी संस्थांची संख्या १०,७८३ आहे. याशिवाय निवडणूक प्रक्रिया सुरूच झालेली नाही अशा २०,१३० तर चालू वर्षी निवडणुकीस पात्र ८,३०५ अशा एकूण ३८,७४० संस्थांची निवडणूक प्रक्रिया रखडली आहे. मार्च-एप्रिल दरम्यान सहकार निवडणूक प्राधिकरणाने या संस्थांच्या निवडणुकांचा कार्यक्रम घोषित केला होता. मात्र लोकसभा निवडणुकीच्या पार्श्वभूमीवर राज्य सरकारने या निवडणुका पुढे ढकलण्याची सूचना सहकार निवडणूक प्राधिकरणास केली. त्यामुळे निवडणुका ३१ मेपर्यंत पुढे ढकलल्या होत्या. मात्र अवघ्या आठवडाभरातच सरकारने पुन्हा या निवडणुका स्थगित करण्याचे आदेश निवडणूक प्राधिकरणास दिले आहेत. याबाबतचा आदेश राज्य सहकारी निवडणूक प्राधिकरणाचे सचिव अशोक गाडे यांनी प्रसृत केला आहे.

हेही वाचा >>>सकाळी ९ नंतर शाळा सुरू करण्याच्या शासन निर्णयाला बगल ?

शेतकऱ्यांच्या अडचणी

राज्यात सर्वत्र पाऊस सुरू असून शेतकरी खरीप हंगामातील पेरणी, पीक लागवड आणि शेतीच्या कामात व्यग्र आहे. त्यामुळे या शेतकऱ्यांना ते सभासद असलेल्या संस्थांच्या निवडणूक प्रक्रियेत सहभागी होण्यास येणाऱ्या अडचणी लक्षात घेऊन या निवडणुका ३० सप्टेंबरपर्यंत स्थगित करण्याचे आदेश सहकार विभागाने गुरुवारी दिले. विशेष म्हणजे राज्यात सप्टेंबरपासून विधानसभा निवडणुकीची रणधुमाळी सुरू होणार असल्यामुळे या सहकारी संस्थांच्या निवडणुका आता पुढील वर्षापर्यंत लांबणीवर पडणार असल्याची माहिती सूत्रांनी दिली.