शहरी नक्षलवाद प्रकरण : कोणत्याही सहआरोपींशी संपर्क साधला नाही, वरवरा राव यांचा विशेष न्यायालयात दावा

प्रेस क्लबमधील कार्यक्रमाला उपस्थिती लावून राव आणि वकील सुधा भारद्वाज यांनी जामिनाच्या अटींचे उल्लंघन केल्याचा दावा करून त्यांचा जामीन रद्द करण्याची मागणी कऱणारा अर्ज राष्ट्रीय तपास यंत्रणेने (एनआयए) विशेष न्यायालयात केला आहे. एनआयएच्या या अर्जावर गुरुवारी उत्तर दाखल केले. त्यात राव यांनी उपरोक्त दावा केला.

निमंत्रण मिळाल्यामुळेच आपण प्रेस क्लबमध्ये आयोजित कार्यक्रमाला उपस्थिती लावली होती. तसे असले तरीही इतर आरोपींशी संपर्क साधण्याचा कोणताही प्रयत्न केला नाही, असा दावाही राव यांनी उत्तरात केला आहे. तसेच, एनआयएच्या जामीन रद्द करण्याच्या मागणीला विरोध केला. व्हर्नन गोन्साल्विस आणि अरुण फरेरा यांनीही एनआयएच्या अर्जाला विरोध करणारे प्रतिज्ञापत्र विशेष न्यायालयात दाखल केले. त्याचप्रमाणे, त्यांनी जामिनाच्या अटींचे उल्लंघन केले नसल्याचा दावा केला.