अल्पवयीन मुलीवर लैंगिक अत्याचार केल्याप्रकरणी मुलीच्या ५० वर्षीय पित्याला पोलिसांनी रविवारी अटक केली असून त्याने चाकूचा धाक दाखवून घडलेला प्रकार कोणालाही न सांगण्याची धमकी दिली होती.पीडित मुलगी शिक्षण घेत असून तिच्या तक्रारीवरून पोलिसांनी बलात्कार, विनयभंगासह बाल लैंगिक अत्याचार प्रतिबंधक कायद्यांतर्गत गुन्हा दाखल केला आहे. हेही वाचा >>> मुंबईत आकर्षक-रंगीबेरंगी खड्डे कधी बघितले आहेत का ? आरोपीने वापरलेला चाकू अद्याप हस्तगत करण्यात आला नसल्याचे पोलिसांनी सांगितले. पीडित मुलगी शनिवारी झोपली असता आरोपीने तिच्यावर लैंगिक अत्याचार केला. त्यानंतर ती उठली असता आरोपीने चाकूचा धाक दाखवून घडलेला प्रकार कोणालाही न सांगण्यासाठी धमकावले. पीडित मुलीची कुपर रुग्णालयात वैद्यकीय तपासणी करण्यात आली आहे.