scorecardresearch

Premium

शाकाहारींसाठी राखीव जागांवर मांसाहार करणाऱ्या विद्यार्थ्यांला दहा हजारांचा दंड; आयआयटी मुंबई वादाच्या भोवऱ्यात

शाकाहारींसाठी राखीव असलेल्या जागी बसून मांसाहार करणाऱ्या विद्यार्थ्यांला आयआयटी मुंबईत दहा हजार रुपयांचा दंड ठोठावण्यात आला आहे.

mumbai ITI, fine for students who eat meat in seats reserved for vegetarians in Mumbai IIT, Mumbai , mumabi news , fine for students who eat meat in seats reserved for vegetarians in Mumbai IIT
शाकाहारींसाठी राखीव जागांवर मांसाहार करणाऱ्या विद्यार्थ्यांला दहा हजारांचा दंड; आयआयटी मुंबई वादाच्या भोवऱ्यात

मुंबई : शाकाहारींसाठी राखीव असलेल्या जागी बसून मांसाहार करणाऱ्या विद्यार्थ्यांला आयआयटी मुंबईत दहा हजार रुपयांचा दंड ठोठावण्यात आला आहे. पुढील सत्राच्या प्रवेश शुल्कामधून हा दंड वसूल करणार असल्याचे विद्यार्थ्यांला ई- मेलद्वारे कळविण्यात आले आहे. त्यामुळे आयआयटी मुंबई पुन्हा एकदा नव्या वादाच्या भोवऱ्यात सापडले आहे. काही दिवसांपूर्वी आयआयटी मुंबईतील खानावळीत मांसाहारास बंदी असल्याच्या आशयाचे फलक लावल्यामुळे संस्थेच्या आवारात वादंग झाले होते.

विद्यार्थी संघटनांनी फलकावर आक्षेप घेतला. अखेर प्रशासनाने असा कोणताही नियम नसल्याचे स्पष्ट केले होते. त्यानंतर काही दिवसांपूर्वी १२, १३ आणि १४ क्रमांकाच्या वसतिगृहाच्या खानावळीतील सहा टेबल शाकाहारी विद्यार्थ्यांसाठीच राखीव ठेवण्यात आल्याची सूचना खानावळीच्या समन्वय समितीने (मेस काउन्सिल) दिली. या निर्णयाबाबत विद्यार्थ्यांना ई- मेलद्वारे कळविण्यात आले होते. त्यानंतर एका विद्यार्थ्यांने खानावळी समन्वय समिती आणि अधिष्ठातांना मेल करून हा निर्णय चुकीचा व भेदभाव करणारा असल्याचे सांगितले.

navi mumbai municipality, Students Honored, Dry Waste Bank Initiative, Saint Gadge Baba, Birth Anniversary,
नवी मुंबई : ‘ड्राय वेस्ट बँक’ उपक्रमात ३०० हून अधिक विद्यार्थ्यांचा सन्मान
Two women policemen suspended for taking students to police station after dispute in convent school
सोलापूर : कॉन्व्हेंट शाळेतील वादातून विद्यार्थ्यांना पोलीस ठाण्यात नेणाऱ्या दोन महिला पोलीस निलंबित
Pedestrian robbery gang Khandeshwar
खांदेश्वर आणि नवीन पनवेलमध्ये पायी चालणाऱ्यांना लुटणारी टोळी सक्रीय
ST employees will undergo health check every two years
एसटीच्या कर्मचाऱ्यांची प्रत्येक दोन वर्षांत आरोग्य तपासणी होणार, जाणून घ्या योजनेबाबत…

हेही वाचा >>>‘क्यूआर कोड’शिवाय जाहिराती छापणाऱ्या ७४ विकासकांना कारणे दाखवा नोटिसा;पुण्यातील ४९ तर मुंबईतील २५ विकासकांचा समावेश

या निर्णयाविरोधात शांततेच्या मार्गाने आंदोलन करण्यात येणार असून शाकाहारासाठी राखीव टेबलवर बसून मांसाहार करणार असल्याचेही ई – मेलद्वारे कळविले. त्यानंतर ई-मेल करणाऱ्या विद्यार्थ्यांसह तीन ते चार विद्यार्थ्यांनी हे आंदोलन केले. त्यापैकी एका विद्यार्थ्यांला दहा हजार रुपयांचा दंड ठोठावण्यात आला आहे. -मूळ निर्णय आणि विद्यार्थ्यांवर कारवाई करण्याचा प्रकार हा भेदभाव करणारा आणि अस्पृश्यता पसरवणारा असल्याचे मत विद्यार्थ्यांनी व्यक्त केले आहे. 

हेही वाचा >>>नांदेडमधील रुग्णमृत्यूंची मुख्यमंत्र्यांकडून गंभीर दखल ; दोषींवर कठोर कारवाई

‘शांततेच्या मार्गाने विरोध तरीही कारवाई’

‘शाकाहारी विद्यार्थ्यांसाठी सहा टेबल राखीव असल्याच्या निर्णयाला ३ ते ४ विद्यार्थ्यांनी शांततेच्या मार्गाने विरोध केला होता. त्यापैकी एका विद्यार्थ्यांला दहा हजार रुपयांचा दंड ठोठावण्यात आला आहे. उर्वरित विद्यार्थ्यांबाबत प्रशासन नेमकी काय कारवाई करते? हे पाहून आम्ही भूमिका स्पष्ट करून योग्य तो निर्णय घेऊ’, असे आंबेडकर पेरियार फुले स्टडी सर्कल (एपीपीएससी) या विद्यार्थी संघटनेतील एका विद्यार्थ्यांने सांगितले.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Fine for students who eat meat in seats reserved for vegetarians in mumbai iit mumbai amy

First published on: 04-10-2023 at 03:39 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×