मुंबईतील प्रभादेवी येथील सिद्धिविनायक मंदिरजवळील ज्ञानरूप इमारतीच्या दुसऱ्या मजल्याला आग लागल्याची दुर्घटना रविवारी घडली. घरगुती गॅस सिलेंडरच्या स्फोटामुळे ही आग लागली असल्याची प्राथमिक माहिती मिळते आहे. या दुर्घटनेची माहिती मिळताच अग्नीशमन दलाच्या पाच गाड्या आणि चार पाण्याचे टॅंकर घटना स्थळी दाखल झाल्या होत्या. आगीवर नियंत्रण मिळविण्याच्या शर्तीच्या प्रयत्नांना रात्री उशीरा यश आले असून इमारतीची आग आटोक्यात आली आहे. या दुर्घटनेतील आर्थिक आणि जीवित हानीचे कोणतेही वृत्त मिळू शकलेले नाही.
