आषाढीच्या तयारीसाठी विधिमंडळाचे कामकाज लवकर आटोपले

दानवे यांनी प्रस्ताव मांडताना सरकारवर जोरदार टीका केली. त्यानंतर काँग्रेसच्या भाई जगताप यांचे भाषण थांबवून पंढपूरला जायचे आहे सांगून ही चर्चा सोमवारपर्यंत लांबणीवर ढकलण्यात आली. पंढरपूरच्या विठोबाचे मीही दरवर्षी दर्शन घेतो पण ही चर्चा महत्वाची आहे सांगत एकनाथ खडसे यांनी ही चर्चा थांबवल्याने सभात्याग केला.

विधानसभेत भाजपचे रणजित सावरकर यांनी वारीसाठी कामकाज लवकर संपवावे, अशी मागणी केली. अनेक आमदारांना वारीच्या व्यवस्थापनासाठी मतदारसंघात जायचे आहे. त्यासाठी कामकाज ३ वाजता संपवावे, अशीही मागणी त्यांनी केली. यानुसार कामकाज ३ वाजता थांबविण्यात आले.