केंद्रीय अन्वेषण विभागाने (सीबीआय) महाराष्ट्राचे माजी गृहमंत्री अनिल देशमुख यांच्याविरोधातील अंतर्गत चौकशीची कागदपत्रे लीक केल्याप्रकरणी स्वतःच्याच अधिकाऱ्याला अटक केली होती. त्यानंतर आता सीबीआयने अनिल देशमुख यांच्या वकिलांना बुधवारी ताब्यात घेतल्यानंतर आता अटक केली आहे. बुधवारी रात्री अनिल देशमुख यांचे जावई गौरव चतुर्वेदी आणि वकिल आनंद डागा यांना सीबीआयने ताब्यात घेतले होते. त्यानंतर चतुर्वेदी यांची सुटका करण्यात आली होती. मात्र सीबीआयने वकिल आनंद डागा यांना अटक केली आहे. त्यावर आता राज्याचे उपमुख्यमंत्री अजित पवार यांनी प्रतिक्रिया दिली आहे.

“महाराष्ट्राचे माजी गृहमंत्री अनिल देशमुख यांच्या वकिलाला अटक करण्यात आली आहे. त्यांना ट्रान्झिट रिमांडवर दिल्लीला आणण्यात आले आहे. या प्रकरणात आतापर्यंत सीबीआय उपनिरीक्षकासह दोघांना अटक करण्यात आली आहे. अटक केलेल्या दोघांनाही सक्षम न्यायालयात हजर केले जाईल,” असे  सीबीआयने म्हटले आहे.

आणखी वाचा
Sanjay Singh alleges that Arvind Kejriwal is not allowed to meet his family face to face
केजरीवाल यांचे नीतिधैर्य खच्ची करण्याचा प्रयत्न! कुटुंबीयांना समोरासमोर भेटू दिले जात नसल्याचा संजय सिंह यांचा आरोप
Devendra Fadnavis slams jayant patil
“जयंत पाटील नाराज…”, सुप्रिया सुळे, रोहित पवार यांचे नाव घेत देवेंद्र फडणवीस म्हणाले…
Verbal dispute between BJP MLA sanjay Kute and Sena MLA Sanjay Gaikwad
“सकाळी अर्ज भरला अन संध्याकाळी…”, भाजपचे आमदार कुटे व सेनेचे आमदार गायकवाड यांची शाब्दिक जुगलबंदी
Sunita Kejriwal reads Arvind Kejriwal massage
अरविंद केजरीवाल यांचा तुरुंगातून संदेश; म्हणाले, “भाजपाचा द्वेष करू नका…”

अनिल देशमुख यांच्या वकिलाला अटक करण्यात आल्यानंतर अजित पवारांनी भाष्य केलं आहे. “आम्ही याबाबत पोलिसांकडून सविस्तर अहवाल मागितला आहे,” असे महाराष्ट्राचे उपमुख्यमंत्री अजित पवार यांनी म्हटले आहे.

याआधी सीबीआयचे उपनिरीक्षक दर्जाचे अधिकारी अभिषेक तिवारी यांना अनिल देशमुख यांच्या जवळच्या लोकांकडून लाच घेतल्यानंतर अटक करण्यात आली. इंडिया टुडेच्या सूत्रांनुसार ते कथितपणे अनिल देशमुखांच्या वकिलाच्या संपर्कात होते. अनिल देशमुख यांच्या मुंबईतील निवासस्थानावरून बुधवारी वकिलांनाही ताब्यात घेण्यात आले. सध्या त्याची चौकशी सीबीआयकडून चौकशी केली जात आहे.

“सीबीआयने आपले उपनिरीक्षक, नागपूरस्थित वकील आणि अज्ञात इतरांच्या विरोधात लाचप्रकरणी काही आरोपांवर गुन्हा दाखल केला आहे. या प्रकरणाच्या तपासादरम्यान, सीबीआयने बुधवारी उपनिरीक्षकाला अटक केली आहे. तसेच वकिलाची चौकशी केली जात आहे, ”असे सीबीआयचे प्रवक्ते आर सी जोशी यांनी इंडिया टुडेला सांगितले. प्रयागराज आणि दिल्ली येथील अभिषेक तिवारी यांच्याशी संबधित असलेल्या ठिकाणीही सीबीआयद्वारे शोध घेण्यात येत आहे.